نصر اللہ خان دریشک

سردار نصر اللہ خان دریشک سابق چیف وہپ، سابق وزیر تے سابق رکن قومی اسمبلی ہن تے اوں ویلے حلقہ پی پی-249 توں پنجاب اسمبلی دے رکن ہن۔ سابق وزیر خزانہ پنجاب حسنین خان دریشک، سابق ضلعی ناظم راجن پور تے رکن پنجاب اسمبلی علی رضا دریشک دے پیو ہن۔ سردار نصر اللہ دریشک ولد سردار بہادر خان دریشک 28 جون 1942ء کوں کوٹ بہادر، ضلع راجن پور وچ پیدا تھئے۔ آپ نے 1962ء وچ گورنمنٹ کالج لاہور کنوں گریجویشن کیتی۔ پنجاب یونیورسٹی لا کالج لاہور کنوں 1964ء وچ ایل ایل بی کیتا تے پنجاب یونیورسٹی، لاہور کنوں 1966ء وچ ایم اے کیتا۔ آپ 1972ء توں 1977ء، 1977ء، 1985ء توں 1988ء، 1988ء توں 1990ء تے 1990ء توں 1993ء دے دوران متواتر پنج واری رکن صوبائی اسمبلی پنجاب رہے۔ 1973ء توں 1975ء دے دوران بطور وزیر خوراک و کوآپریٹو ز، 1975ء توں 1977ء دے دوران بطور وزیر برائے اریگیشن اینڈ پاور، 1988ء توں 1990ء دے دوران بطور وزیر آبپاشی، قانون تے پارلیمانی امور تے 1991ء توں 1993ء دے دوران بطور وزیر برائے منصوبہ بندی و ترقیات تے قانون و پارلیمانی امور خدمات سر انجام ݙتے۔ آپ 1997ء توں 1999ء تے 2002ء توں 2007ء دے دوران قومی اسمبلی دے رکن وی رہے تے 2004ء توں 2007ء دے دوران چیف وہپ دے طور تے فرائض سر انجام ݙتے۔ آپ زمیندار تے صنعتکار ہن، جیہڑے 2013ء دے عام انتخابات وچ چھیویں واری رکن پنجاب اسمبلی منتخب تھئے ہن۔ آپ سعودی عرب، دبئی، چین، برطانیہ، فرانس تے جاپان دا سفر کر چکیے ہن۔ آپ دے ابا سئیں سردار بہادر خان دریشک 1947ء توں 1949ء دے دوران رکن قانون ساز اسمبلی مغربی پنجاب، 1951ء توں 1955ء دے دوران رکن قانون ساز اسمبلی پنجاب تے 1956ء توں 1958ء دے دوران رکن صوبائی اسمبلی مغربی پاکستان رہے۔ آپ دے وݙے فرزند، سردار حسنین بہادر دریشک 2002ء توں 2007ء دے دوران پنجاب اسمبلی دے رکن رہے تے بطور وزیر خزانہ فرائض سر انجام ݙتے۔ آپ دے ݙوجھے فرزند بیرسٹر سردار علی رضا دریشک تے آپ دے پوہترے سردار احمد علی خان دریشک بالترتیب پی پی-247 تے پی پی-243 توں موجودہ ایم پی ایز ہن۔ طارق دریشک تے امان اللہ دریشک وی انہاں دی قوم دے ہن۔ 2018ء دے عام انتخابات وچ نصر اللہ دریشک نے 73,225 ووٹ ڳھن کے پی ٹی آئی دی طرف کنوں کامیابی حاصل کیتی، انہاں دے مد مقابل آزاد امیدوار حفیظ الرحمٰن خان دریشک نے 64,565 ووٹ حاصل کیتے۔

آبائی سرزمین

سردار نصر اللہ خان دریشک دا تعلق دھگو یونین کونسل کوٹ بہادر، ضلع راجن پور نال ہے۔

ٻیا ݙیکھو

• سردار حسنین بہادر دریشک