نصاب ضروری
فارسی توں سرائیکی لغت
[لکھو | ماخذ وچ تبدیلی کرو]سرائیکی زبان دی پہلی فارسی توں سرائیکی لغت 879ھ بمطابق 1475ء وچ لکھی گئی۔ایندا ناں " نصاب ضروری" ھے۔ایں عظیم کتاب دے مصنف مولوی خدا بخش سوکڑ تحصیل تونسہ ضلع ڈیرہ غازی خان دے راہوݨ آلے ہن۔[١]
ایں کتاب وچ فارسی الفاظ دے معانی سرائیکی زبان وچ ݙتے ڳن۔ایں کوں فارسی توں سرائیکی لغت آکھیا ڳے۔
موضوع
[لکھو | ماخذ وچ تبدیلی کرو]کتاب دا موضوع روزمرہ زندگی دیاں ضرورتاں کیتے استعمال تھیوݨ آلے الفاظ ہن۔
اے ٻالیں دی تعلیم کیتے لکھی گئی ہے تے اسم بامسمی ھے۔ کتاب دے 31 باب اتے پنج ہزار الفاظ ہن۔جیندے وچ سرائیکی الفاظ دی تعداد 1490 ھے ۔دیگر الفاظ وچ فارسی، فارسی وچ آے ہوے عربی اتے عربی وچ ڈھالے ڳے یونانی، ترکی الفاظ شامل ہن۔
علامتاں
[لکھو | ماخذ وچ تبدیلی کرو]فارسی لفظیں کیتے علامت "ف" عربی کیتے "ع" عربی فارسی مشترک الفاظ کیتے " عف " اتے سرائیکی الفاظ کیتے علامت " ہ " ورتی گئی ھے۔کیونکہ ہک وقت وچ سرائیکی کوں ہندی دا ناں وی ݙتا ویندا ہئی۔