نصابی ، غیر نصابی سرگرمیاں

مہر حامد علی شاکر سیال میانوالی شیخاں ہائی سکول اچ نصابی سرگرمیاں دے نال نال غیر نصابی سرگرمیاں واسطے ٻہوں کم کیتا۔ ایں سلسلے اچ سپورٹس، والی بال ٹورنامنٹ، کبڈی ، کرکٹ، دوڑ ،سرائیکی دیاں دیسی کھیݙاں دے نال نال ڈرامے وی کرائے ۔ ڈرامیں دے سلسلے اچ قیس فریدی صاحب ڈھیر کم کریندے ہن ۔ او ڈرامہ نگار، ادا کار تے صداکار بݨ وییندے ہن ۔ اوں ویلھے دے ڈرامیں کوں احٖ دے لوک یاد کریندن  بلکہ اساں اے ڈرامے اپݨے سکول توں ٻاہر خانپور، رحیم یار خان تے ٻئے علاقیاں تے ٻئے سکولاں وچ وی گھن ڳیوسے ۔ اساکوں ٻہوں پذیرائی ملی تے انہاں علاقیاں اچ ٻہوں سارا ٹیلنٹ سامݨے آیا تے ڈھیرسارے اداکار پیدا تھئے ۔ اپݨے کم تے احٖ وی اساکوں فخر ہے جو اساں وسیب دی خدمت کیتی اے۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان