نشرہ سندھو

نشرہ سندھو (پیدائش 19 نومبر 1997) ہک پاکستانی کرکٹر ہِن جیڑھی سلو لیفٹ آرم آرتھوڈوکس باؤلر دے طور تے کھیݙدی ہِن ۔

بین الاقوامی کَم کار

انّھاں نے اپݨا ویمنز ون ڈے انٹرنیشنل کرکٹ (WODI) ڈیبیو جنوبی افریقہ دے خلاف 2017 ویمنز کرکٹ ورلڈ کپ کوالیفائر وچ 7 فروری 2017 کوں کِیتا ۔ 2017 ویمنز کرکٹ ورلڈ کپ دے دوران بھارت دے خلاف میچ وچ، انّھاں نے 10 اوورز وچ 26 رنز دے کے 4 وکٹاں گِھدّیاں ۔ نشرہ ٹورنامنٹ وچ 11.05 دی اوسط نال 17 وکٹاں گِھدّے تے سبھ توں زیادہ وکٹاں گِھدّݨ والی کھلاڑی بݨ ڳئیں ۔

انّھاں نے اپݨا ویمنز ٹی20 انٹرنیشنل کرکٹ (WT20I) ڈیبیو پاکستان ویمنز دی طرفوں نیوزی لینڈ ویمنز دے خلاف 9 نومبر 2017 کوں کِیتا ۔

اکتوبر 2018 وچ، انّھاں کوں ویسٹ انڈیز وچ منعقدہ 2018 ICC ویمنز ورلڈ ٹی20 ٹورنامنٹ کِیتے پاکستان دے سکواڈ وچ شامل کِیتا ڳیا ۔ اکتوبر 2021 وچ، انّھاں کوں زمبابوے وچ منعقدہ 2021 ویمنز کرکٹ ورلڈ کپ کوالیفائر ٹورنامنٹ کِیتے پاکستان دی ٹیم وچ شامل کِیتا ڳیا ۔ جنوری 2022 وچ، انّھاں کوں نیوزی لینڈ وچ منعقدہ 2022 ویمنز کرکٹ ورلڈ کپ کِیتے پاکستان دی ٹیم وچ شامل کِیتا ڳیا ۔

نشرہ نے نومبر 2023 وچ ICC ویمنز ٹی20I باؤلرز رینکنگ وچ کیریئر دی بہترین 5ویں رینکنگ حاصل کِیتی ۔

انّھاں کوں 2024 ICC ویمنز ٹی20 ورلڈ کپ کِیتے پاکستان دے سکواڈ وچ شامل کِیتا ڳیا ۔