نشتر میڈیکل یونیورسٹی

ہک پبلک سیکٹر ہیلتھ سائنسز یونیورسٹی ہے جیہڑی ملتان پاکستان وِچ واقع ہے۔ ایہ پاکستان بݨݨ دے بعد 29 اپریل 1951ء توں قائم تھیوݨ آلے قدیم ترین طبی اداریاں وچوں ہک ہے۔ ایہ طب، دندان سازی، الائیڈ ہیلتھ سائنسز تے نرسنگ وچ ڈگری پروگرام پیش کریندا ہے۔ ایندا ناں سردار عبدالرب نشتر، تحریک پاکستان دے رہنما تے اوں ویلے دے گورنر پنجاب، پاکستان دے ناں تے رکھیا ڳیا ہے۔

ایہ کالج ابتدائی طور تے پنجاب یونیورسٹی لاہور نال منسلک ہئی، جیہڑی اوں ویلے پنجاب دی واحد یونیورسٹی ہئی۔ 1975ء وِچ ایندا الحاق بہاؤ الدین زکریا یونیورسٹی نال تھی ڳیا، جیہڑی سرائیکستان کیتے ہک نو تشکیل شدہ یونیورسٹی ہے۔

جنوری 2003ء وِچ ایندا الحاق یونیورسٹی آف ہیلتھ سائنسز، لاہور نال تھی ڳیا۔

ستمبر 2017ء وِچ، پنجاب دی صوبائی اسمبلی دی طرفوں نشتر میڈیکل یونیورسٹی ایکٹ دی منظوری دے بعد کالج کوں یونیورسٹی دا درجا ݙے ݙتا ڳیا۔

19 نومبر 2020ء وِچ پاکستان میڈیکل کمیشن (PMC) نے نشتر میڈیکل یونیورسٹی (NMU) کوں انڈرگریجویٹس کیتے MBBS تے BDS دے امتحانات تے پوسٹ گریجویٹس کیتے MD/MS دے امتحانات منعقد کرݨ دی اجازت ݙتی۔

کیمپس

یونیورسٹی شہر دے مرکز توں 3 کلومیٹر دے فاصلے تے واقع ہے۔ کیمپس 20 ایکڑ (8.1 ہیکٹر) اراضی تے پھیلیا ہویا ہے۔ نشتر ہسپتال، پاکستان دے سب توں وݙے ہسپتالاں وچوں ہک، کالج نال متصل واقع ہے۔ کیمپس، ہسپتال تے ہاسٹل دا کل رقبہ 112 ایکڑ (0.45 مربع کلومیٹر) توں زیادہ ہے۔

فارغ التحصیل طلبہ

ڈاکٹر جاوید اقبال