نسیم حمید

نسیم حمید (اردو: نسیم حمید؛ جنم 1 مئی 1988) ہک پاکستانی ٹریک اینڈ فیلڈ ایتھلیٹ ہِن، جیڑھی جنوبی ایشیا دی تیز ترین زنانی بݨی جِہڑیلے اوہ 2010 دے جنوبی ایشیائی کھیلاں وچ ڈھاکہ وچ 100 میٹر وچ سونے دا تمغہ جِتیا ۔

کَم کار آلی حیاتی

نسیم نے اپݨا کیریئر ہک ایتھلیٹ دے طور تے اپݨے سکول توں شروع کِیتا۔ اوہ سکول تے کالج دی سطح تے مختلف کھیلاں دی سرگرمیاں وچ حصہ گِھندی رہی۔ کالج دے دوران، اوہ فوج دے کوچز دی نظر وچ آئی تے اونکوں کورنگی دے نیڑے فوج دے میداناں وچ مشق کرݨ دی اجازت ݙتی ڳئی۔ ایں دے بعد اوہ مختلف مقامی مقابلیاں جِتیاں تے پھر پاکستان ریلوے ولوں ایتھلیٹ دے طور تے چُݨی ڳئی۔ نسیم دی مستقل کارکردگی دی وجہ توں اوہ 2010 دے سیف گیمز وچ پاکستان دی نمائندگی کرݨ دا موقع مِلیا، جِتھاں اوہ 100 میٹر وچ 11.81 سیکنڈ دے نال سونے دا تمغہ جِتیا تے جنوبی ایشیا دی تیز ترین زنانی دا خطاب حاصل کِیتا تے ٹریک دی رانی دے طور تے سامݨے آئی ۔

12 فروری 2010 کوں، پاکستان دے صدر آصف علی زرداری نے نسیم کوں سیف گیمز وچ اُنّھاں دی کامیابی دے اعتراف وچ سپورٹس دی سفیر مقرر کِیتا ۔ جولائی 2010 وچ پاکستان دے معروف موبائل آپریٹر موبائل لنک نے نسیم کوں اپݨے برانڈ ایمبیسیڈرز دے پینل وچ شامل کِیتا ۔ موبائل لنک پاکستان دے نائب صدر بلال منیر شیخ نے نسیم حمید دی کوششاں تے کامیابیاں تے مبنی گیت دے اجراء دی تقریب وچ اِیہ ڳالھہ کِیتی:

"موبائل لنک جاز اِیں ڳالھ تے یقین رکھیندا ہے جو اساں جیڑھے رشتے بݨیندے ہیں تے اِیں خراج تحسین دا مقصد اُنّھاں لوگاں کوں حوصلہ ݙیوݨا ہے جیڑھے خواب ݙیکھدے ہِن جو اوہ اپݨے عزیزاں توں مدد گِھنّݨ کِیتے آگے تِھیوݨ تاکہ اوہ اپݨے مقاصد حاصل کر سڳن تے اِیں توں وی زیادہ۔ نسیم ہک ہیرو ہے جیڑھی اساݙے سبھ کوں چاہیدی ہئی تے اساں اُمید کریندے ہیں جو جاز دے پلیٹ فارم دے ذریعے اوہ ٻہوں سارے لوگاں کوں متاثر کریسی۔ اساں واقعی فخر تے اعزاز محسوس کریندے ہیں جو اوہ اساݙی برانڈ ایمبیسیڈر ہِن۔"

بائیوپک

نسیم حمید دی حقیقی تے اَن سُݨی زندگی دی کہانی تے مبنی ہک ٹیلی فلم "بھاگ امینہ بھاگ" جیو ٹی وی تے نشر تھئی۔ ٹیلی فلم ہک عظیم پاکستانی زنانی ایتھلیٹ کوں خراج تحسین پیش کرݨ دی ہک قابل تعریف کوشش ہئی۔ ڈرامے دی ہدایت کاری یاسر نواز نے کیتی تے اِیہ سمیعہ حمید سعید نے پروڈیوس کِیتا۔ نسیم حمید دا مرکزی کردار آمینہ شیخ نے ادا کِیتا۔ فلم ہک لڑکی دی کہانی بیان کریندی ہے جیڑھی اپݨے خواب تے خواہشات کوں پورا کرݨ چاہندی ہے چاہے اِیں کِیتے اونکوں جیڑھے مشکل حالات توں گُزرݨا پووے، ایہ ہک ایسی کہانی ہے جیڑھی اساݙے معاشرے وچ گہری جَڑاں رکھیندی ہے ۔