نسلی شاہ سلطان (دختر شہزادہ عبد القادر)
| ||||
|---|---|---|---|---|
| معلومات شخصیت | ||||
| ڄمݨ | 25 دسمبر 1925ء | |||
| وفات | 30 مئی 2014ء (89 سال) | |||
| وجہ وفات | گڑدے فیل | |||
| مدفن | قبرستان قراجہ احمد | |||
| پیو | محمد عبد القادر آفندی | |||
| ٹٻر | عثمانی خاندان | |||
درستی - ترمیم  | ||||
صفود نسلی شاہ سلطان (25 دسمبر 1925ء - 30 مئی 2014ء)، جنہاں کوں کوچک نسلی شاہ سلطان دے ناں نال وی سݙیا ویندے، ہک عثمانی شہزادی ہئی، جیڑھی سلطان عبدالحمید ثانی دے پُتر شہزادے محمد عبدالقادر دی دھی ہئی۔[١]
ابتدائی حیاتی
[لکھو | ماخذ وچ تبدیلی کرو]نسلی شاہ سلطان، سلطنتِ عثمانیہ دے مُک ونڄݨ دے تریجھے سال بعد 25 دسمبر 1925ء کوں ہنگری دے شہر بوداپست وچ ڄمی ۔ اوندے پیو شہزادے محمد عبدالقادر ہن، جیڑھے عبدالحمید ثانی اتے بیدار قادین دے پُتر ہن[٢]۔ اوندی ماءُ فاطمہ خانم ہئی، جیڑھی سلطنتِ عثمانیہ دے کرنل مجید بے دی دھی ہئی[٣]۔ اوہ آپݨے پیو دی پنجویں اولاد اتے ݙوجھی دھی ہئی اتے آپݨی ماءُ دی ݙوجھی دھی ہئی، اوندی ہک بھیݨ بیدار سلطان ہئی، جیڑھی اوندے کنوں ہک سال وݙی ہئی۔ [٤]
شادیاں
[لکھو | ماخذ وچ تبدیلی کرو]نسلی شاہ سلطان قاہرہ چلی ڳئی، جتھاں اوہ 1953ء وچ اونی رِدا بے نال پرنی۔ جوڑے دا پہلا ٻال صالح رِدا 1954ء وچ پیدا تھیا، اوندے بعد عمر رِدا 1959ء وچ پیدا تھیا۔ بعد وچ، ݙوہیں استنبول ٹُر ڳئے جتھاں 1969ء وچ انہاں دی طلاق تھی ڳئی۔ اوندے بعد، اوہ محمد شفیق ضیاء (ڄمݨ 1894ء)، ترک قبرصی نسل دے ہک امریکی شہری، اتے ولی عہد شہزادے یوسف عزالدین دی دھی شکریہ سلطان (مرحومہ) دے پہلے پئے ، نال پرنی۔ محمد شفیق ضیاء دی 1980ء وچ وفات دے بعد نسلی شاہ سلطان رنڈڑ تھی ڳئی۔ [٥][٦]
2 اپریل 2000ء کوں، اوہ شہزادے محمد ضیاءالدین دی دھی، مہرِ ماہ سلطان دے جنازے وچ شریک تھئی۔ 2 اپریل 2012ء کوں، اوہ اتے اوندے پُتر شہزادہ عمر فاروق اتے صبیحہ سلطان دی دھی نسلی شاہ سلطان دے جنازے وچ شریک تھئے۔ [٧][٨]
نسلی شاہ سلطان دا انتقال 30 مئی 2014 ءکوں مرمرہ ٹریننگ اینڈ ریسرچ ہسپتال، استنبول وچ 88 سال دی عمر وچ تھیا۔ اوہ شہزادے محمد عبدالقادر دی چھیکڑی زندہ بچ ونڄݨ آلی اولاد اتے عبد الحمید دی چھیکڑی زندہ بچ ونڄݨ آلی پوہتری ہئی۔ اوندے جنازے وچ اوندے رشتے دار اتے عثمانی خاندان دے لوکاں شرکت کیتی۔ انہاں کوں اوندی ماءُ فاطمہ خانم دے نال قرہ جہ احمد غستان وچ دفنایا ڳیا۔ [٩]
اولاد
[لکھو | ماخذ وچ تبدیلی کرو]اونی رِدا بے نال، نسلی شاہ دے ݙو پُتر ہن: