نسرین جلیل

نسرین جلیل
(انگریزی وِچ: Nasreen Jalil)
معلومات شخصیت
پیدائش	22 فروری 1944ء (81 سال)  لاہور
شہریت	پاکستان برطانوی ہند
جماعت	متحدہ قومی موومنٹ، لندن
مناصب
رکن ایوان بالا پاکستان
رکنیت مدت 2 مارچ 2012  – مارچ 2018
حلقہ انتخاب	سندھ
عملی حیاتی
مادر علمی	جامعہ کراچی
پیشہ	سیاست دان
مادری زبان	اردو
پیشہ ورانہ زبان	اردو

نسرین جلیل (اردو: نسرین جلیل؛ پیدائش: 22 فروری 1944ء، لاہور) ہک پاکستانی سیاست دان تے متحدہ قومی موومنٹ دی ہک سینئر رہنما ہن۔ اوہ 2012ء توں 2018ء تک سندھ توں پاکستان دی سینیٹ دی رکن رہی ہن۔ ایں توں پہلے اوہ کراچی دی ڈپٹی میئر وی رہی ہن۔

ابتدائی حیاتی

نسرین جلیل 22 فروری 1944ء کوں لاہور وچ پیدا تھئی ہن، اُس وقت ایہ برطانوی ہند دا حصہ ہئی، انّھاں دا ٹٻّر یونائیٹڈ پروونسز دا ہئی پر کراچی وچ آباد تھی ڳیا ہئی۔ انّھاں دے والد، ظفر الاحسن لاری، 1947ء وچ برطانوی ہندوستانی سلطنت دے دوران لاہور دے ڈپٹی کمشنر ہن، تے بعد وچ اوہ انڈین سول سروس (ICS) آفیسر دے طور تے کم کیتا۔ انّھاں دی بھیݨ یاسمین لاری ہک پاکستانی معمار ہن۔

سیاسی حیاتی

نسرین جلیل مارچ 1994ء وچ پاکستان دی سینیٹ کِیتے ݙہ سالہ مدت کِیتے منتخب تھئی ہن۔ اوہ سینیٹ دی قائمہ کمیٹیاں برائے تجارت، خارجہ امور، کشمیر امور تے شمالی امور، تے صحت، سماجی بہبود تے خصوصی تعلیم دی رکن وی ہن تے انسانی حقوق دے فنکشنل کمیٹی دی چیئرپرسن وی ہن۔

جنوری 2006ء وچ اوہ کراچی دی نائب ناظم بݨی ہن، حلف برداری دی تقریب دے دوران نسرین جلیل نے عہد کیتا جو شہر دے پسماندہ علاقیاں کوں ترقی ݙتی ویسی تے زنانیاں دے حقوق دی حفاظت کیتی ویسی۔

2 مارچ 2012ء کوں تھیوݨ والے سینیٹ انتخابات وچ، نسرین جلیل سندھ توں سینیٹر دے طور تے منتخب تھئی ہن۔

نسرین جلیل متحدہ قومی موومنٹ خالد مقبول گروپ (ایم کیو ایم-پی) دی کوآرڈینیٹ کمیٹی دی ڈپٹی کنوینر ہن۔

اوہ سینیٹ دی قائمہ کمیٹی برائے مالیات، محصولات، معاشی امور، شماریات، منصوبہ بندی تے نجکاری دی چیئرپرسن وی ہن۔