نزہت پٹھان

نزہت پٹھان
رکن قومی اسمبلی پاکستان
آغاز منصب 13 اگست 2018
معلومات شخصیت
پیدائش	سنہ 1965ء (عمر 59–60 سال)
شہریت	پاکستان
جماعت	پاکستان تحریک انصاف
عملی حیاتی
پیشہ	سیاست دان

نزہت پٹھان (سندھی: نزهت پٺاڻ؛ پیدائش: 12 فروری 1965ء) ہِک پاکستانی سیاست دان ہِن، جیڑھیاں اگست 2018ء تُوں پاکستان دی قومی اسمبلی دی رُکن رہین۔ اِیں تُوں پہلے، اوہ 2002ء تُوں 2013ء تئیں سندھ دی صوبائی اسمبلی دی رُکن وی رہ چُکّین۔

ابتدائی حیاتی تے تعلیم

اوہ 19 فروری 1965ء کوں پاکستان دے شہر حیدرآباد، سندھ وِچ ڄَمّی ہَن۔ انّھاں نے سیاسیات وِچ ماسٹر آف آرٹس دی ڈگری تے اکنامکس وِچ ماسٹر آف آرٹس دی ڈگری حاصل کِیتی۔

سیاسی حیاتی

اوہ 2002ء دے پاکستانی عام انتخابات وِچ زنانیاں کِیتے مخصوص نشست تے پاکستان پیپلز پارٹی (پی پی پی) دی اُمیدوار دے طور تے سندھ دی صوبائی اسمبلی کِیتے چُݨیاں ڳئین۔

مارچ 2006ء وِچ، انّھاں نے پی پی پی کوں چھوڑ ݙِتّا تے پاکستان مسلم لیگ (ق) وِچ شامل تِھی ڳئین۔ 2006ء دے ہِک انٹرویو وِچ انّھاں نے آکھیا کہ اوہ پِچھلے 27 سالاں تُوں پی پی پی نال وابستہ ہَن۔

2006ء وِچ انّھاں کوں وزیراعلیٰ ارباب غلام رحیم دی صوبائی سندھ کابینہ وِچ شامل کِیتا ڳیا تے انّھاں کوں وزیراعلیٰ دے مشیر دے طور تے مقرر کِیتا ڳیا۔

اوہ 2008ء دے پاکستانی عام انتخابات وِچ زنانیاں کِیتے مخصوص نشست تے مسلم لیگ ق دی اُمیدوار دے طور تے سندھ دی صوبائی اسمبلی کِیتے ٻیاں چُݨیاں ڳئین۔

2011ء وِچ، انّھاں نے مسلم لیگ (ق) کوں چھوڑ ݙِتّا تے پاکستان مسلم لیگ (ہم خیال) وِچ شمولیت اختیار کر گِھدّی۔

اکتوبر 2016ء وِچ انّھاں نے ہِک واری ٻیا سیاسی پارٹی بدلی تے ایں واری اوہ پاکستان تحریک انصاف نال منسلک تِھی ڳئین۔ اوہ سندھ وِچ پاکستان تحریک انصاف (پی ٹی آئی) دی زنانیاں ونگ دی سیکرٹری جنرل دے عہدے تے فائز تِھی ڳئین۔

اوہ 2018ء دے پاکستانی عام انتخابات وِچ سندھ تُوں زنانیاں کِیتے مخصوص نشست تے پی ٹی آئی دی اُمیدوار دی حیثیت نال پاکستان دی قومی اسمبلی دی رُکن چُݨیاں ڳئین۔

اپریل 2022ء وِچ امریکہ دی طرف تُوں بیرونی مداخلت دے نتیجے وِچ رجیم چینج دے بعد تمام تحریک انصاف دے اراکین دے نال انّھاں نے قومی اسمبلی دی سیٹ تُوں استعفیٰ کائنی ݙِتّا۔