نذیر حسین شاہ حسرت

اصل ناں       نذیر حسین شاہ

تخلص          حسرتؔ

جٖمنْ           1973ء

تعلیم           بی اے

پیشہ            مدرس

فون نمبر        0344 6864714

جاہ پتہ         بہل ضلع بھکر

غزل

سوچم نصیب اپنْے کوں اجٖ ول ٓزما ڈٖیکھوں تاں سہی

دلبر دے در دے سامنْے کر کے صدا  ڈٖیکھوں تاں سہی

خالق وڈٖا رحمان ہے سُنْدا ہے ہر دل دی صدا

توڑے زباں ہے بے اثر منگ کے دعاء  ڈٖیکھوں تاں سہی

کئی آکھ دے شدّاد ہے ، کئی آکھدے نمرود ہے

میں آکھداں فرعون ہے ، کوڑا خدا ڈٖیکھوں تاں سہی

توڑے جو ساہ ہن چھیکڑی دل آکھدا ہے ہک دفعہ

متاں حیات اچ مل ونجٖے کر کے دعاء  ڈٖیکھوں تاں سہی

صدیاں توں حسرتؔ کوڑ ہے  چن عید دا چن عید دا

من التجا پردہ ہٹا چن عید دا  ڈٖیکھوں تاں سہی

٭٭٭