ندیم اشرف احقر
اصل ناں محمد ندیم اشرف
تخلص احقرؔ
جٖمنْ 1970ء
تعلیم ایم اے ، پی ایچ ڈی
پیشہ انجینئر
فون نمبر 0345 7549476
جاہ پتہ فیصل کالونی کھچی والا، تحصیل فورٹ عباس ضلع بہاولنگر
انجینئر ندیم اشرف احقرؔ 9کتاباں دے مصنف ہن ، تے مختلف زباناں وچ مختلف مضامین لکھ کے 8 ایم اے کر چکے ہن۔ایم فل فارسی گولڈ میڈلسٹ تے پی ایچ ڈی ڈاکٹر ہن۔مگر احقرؔ صاحب درویش صفت انسان تے صوفی ازم شاعر ہن۔کیوں جو جڈٖاں انہاں ایم اے سرائیکی کیتا تاں آپ کوں حضرت خواجہ غلام فریدؒدا دیوان پڑھنْ دا اتفاق تھیا،جیندی وجہ توں اوہ خواجہ صاحب توں بٖہوں متاثر تھئے، تے انہاں کوں معرفت دی سوجھ بٖوجھ تھیونْ لگٖ پئی۔144صفحیاں تے مشتمل آپ دی کتاب ’’حسنِ ازل چودھار ڈٖٹھم‘‘میڈٖے سامنْے ہے ،جیڑھی تصوّف تے معرفت دے رنگ اچ رنگی ہوئی ہے۔احقر صاحب دی ہک غزل وچ وحدت دے جلوے ذرا ملاحظہ فرماؤ!
غزل
[لکھو | ماخذ وچ تبدیلی کرو]ہکو جلوہ ذات حقیقی
راز معیت حسن رفیقی
شور اناالحق ذرہ ذرہ
انہد مرلی صدق صدیقی
اول آخر ظاہر باطن
اندر بٖاہر کرم شفیقی
عشق محبت جان اطاعت
ادب عقیدت حسن سلیقی
ملّاں زاہد فخر عبادت
مسلک مسلک فکر فریقی
طعن طرازی چوٹ شدیدی
چغلی ،غیبت صوت شہیقی
شرع شریعت سہل نمودی
علم لدُنّی فہم دقیقی