نجمہ صدیق

نجمہ صدیق
معلومات شخصیت
ڄَمّݨ دی تریخ تے جاء	سنہ 1945ء   بنگال
فوتڳی دی تریخ تے جاء	8 جنوری 2015ء (69–70 سال)  کراچی
شہریت	پاکستان
عملی حیاتی
پیشہ	مصور ،  صحافی ،  کارکن انسانی حقوق

نجمہ صدیق (اردو: نجمہ صدیق، کنوں) (ڄَمّݨ دی تریخ تے جاء: 1943ء  بنگال)۔ (فوتڳی دی تریخ تے جاء: 8 جنوری 2015ء کراچی) پاکستان نال تعلّق رکّھݨ آلی ہِک مہان٘دری زنانی صحافی، مصنفہ، انسانی حقوق دی سرگرم رکن، خاص طور تے زنانیاں دے حقوق، فنکارہ اَتے مصورہ ہَن۔ انّھاں نے سماجی تے اقتصادی امور اُتے وی تحقیق کِیتی اَتے ٻہوں ساریاں کتاباں وی لکّھیاں اَتے مضمون وی لکّھے۔ انھاں نے زنانیاں دے خلاف انسانی حقوق دیاں پامالیاں کوں اُجاگر کرݨ کِیتے زنانیاں دی ہِک غیر سرکاری تنظیم، 1975ء وِچ شرقت گاہ دی بنیاد رکّھی۔ انّھاں نے ویمنز ایکشن فورم آف پاکستان دی بنیاد وی رکھی۔

حیاتی دا احوال

نجمہ صدیق 1943ء وِچ بنگال، برطانوی ہند وِچ ڄَمّی ہَئی اَتے این٘دی پرورش مشرقی پاکستان (ہُݨ بنگلہ دیش) وِچ کھیتی ٻاڑی دے ماحول وِچ تَھئی ہئی جئیں انّھاں دی اڳّوں دی سوچ کوں مستحکم کِیتا۔ انّھاں نے ڈھاکہ دے وقار وینسہ نون سکول اینڈ کالج کنوں تعلیم گِھدّی اَتے انگریزی وِچ لکھݨ وِچ آپݨی خاص مہارت دی وجہ کنوں پِچھاݨی وین٘دی ہِن۔ شادی دے بعد اُوہ کراچی چلی ڳئی جتّھاں ابتدائٰ طور تے انّھاں نے ہِک اشتہاری ایجنسی وِچ کاپی رائٹر دی حیثیت نال کِیتا۔ جہڑیلے اُوہ 19 ورھیاں دی ہَئی اُوں نے کراچی وِچ مصوری دی پہلی نمائش کِیتی۔ نجمہ نے اَغاز وِچ ڈان دے نال نال کئی اخباراں کِیتے بطورِ صحافی کَم دا اَغاز کِیتا اَتے ول دی نیوز اَتے دی نیوز انٹر نیشنل کِیتے وی کَم کِیتا۔ 1975ء وِچ انّھاں نے مُلک وِچ انسانی حقوق دی پامالیاں دی وجہ کنوں پریشان تھی تے ست ٻئے لوکاں دے نال رَل تے شرقت گاہ دے ناں نال ہِک غیر سرکاری تنظیم بݨائی۔

فوتڳی

نجمہ صدیق 8 جنوری 2015ء کوں 72 ورھیاں دی عُمر وِچ گردے دی خرابی اَتے سینے دی خرابی دے پاروں کراچی وِچ فوت تھی ڳئی اَتے اُتھائیں پُوری ڳئی۔