نجف علی شاہ
اصل ناں نجف علی شاہ بخاری
تخلص نجفؔ
جمن 1968ء
پیشہ مدرس
جاہ پتہ محلہ سادات ، بھکر
نجف بخاری کوں تعلیم دے دوران ادبی ذوق پیدا تھیا ،سرائیکی تے اردو اچ لکھدن ،ڈھیر ساریاں غزلاں ،گیت تے افسانے لکھ چکے ہن۔ ادبی تنظیم ’’سانول سنگت‘‘ بھکر دے صدر ہن ،ریڈیو پاکستان ڈیرہ اسماعیل خان دے سکرپٹ رائٹر وی ہن۔نجف بخاری دی صرف ہک غزل میڈے ہتھ لگی ہے جو حاضرِ خدمت ہے۔
غزل
[لکھو | ماخذ وچ تبدیلی کرو]دلبر دا دیدار جاں تھیوے
خشیاں دی برسات ڈِسیوے
کنڈیاں دا ہے پیار جو سچا
کون پھلاں دی آس تے جیوے
ہجر تیڈے دے پھٹ ہن ڈونگھے
کون انہاںکوں آن کے سیوے
غُپ اندھارا ڈسدے میکوں
یاد تیڈی دے بجھ گئے ڈیوے
باجھ تیڈے ایہ حال نجفؔ دا
غم کوں کھاوے ،خون کوں پیوے
٭٭٭