نتاشا جاپان والا

Natasha Japanwala
معلومات شخصیت
عملی حیاتی
پیشہ	مصنفہ ،  معلمہ ،  صحافی

نتاشا جاپان والا (اردو: نتاشا جاپان والا، کنوں) بوسٹن وِچ رہوݨ آلی ہِک مصنف اَتے ماہر تعلیم ہِن۔

حیاتی دا احوال

اُوہ لندن وِچ ڄَمّی ہَئی اَتے کراچی وِچ انّھاں دی پرورش تھئی۔ نتاشا آپݨے نِکّے لاء کنوں ای لکّھݨ پڑھݨ وِچ ݙاڈھی دلچسپی رکھین٘دی ہَئی۔ این٘دے فیچر آرٹیکلز، جائزے اَتے مضمون اندرلے اَتے ٻاہرلے مُلک چھپدے ہَن۔ اُوہ سفر وِچ ݙاڈھی دلچسپی رکھین٘دی ہِے۔

تعلیم

جاپان والا نے نیو جرسی دی پرنسٹن یونیورسٹی کنوں انگریزی اَتے تخلیقی تحریر وِچ آپݨی بیچلر ڈگری پوری کِیتی۔

کَم کار

ہِک پُر جوش اُستانی دی حیثیت نال، نتاشا نے کراچی وِچ نجی، غیر منفعتی اَتے کمیونٹی سکول وِچ 8 کنوں 18 ورھیاں تئیں دے ٻالاں کِیتے تخلیقی تحریر، ڈیزائن سوچ اَتے ماحولیاتی انتظام دے نصاب ڈیزائن کِیتے۔

ہِک پُر جوش مصنف اَتے اَزاد صحافی دی حیثیت نال، انّھاں نے "واشنگٹن پوسٹ، دی انڈیپینڈینٹ، دی ٹیلیگراف، ہفنگٹن پوسٹ، اَتے ڈان نیوز" وِچ شراکت کِیتی ہِے۔ این٘دی صحافت پاکستان وِچ نوجواناں اَتے ترقی دے نیڑے تیڑے ہِے۔ اُوہ ثقافت، کتاباں، فلماں اَتے فن دے بارے وِچ وی لکھین٘دی ہِن۔

ٻاہرلے مُلک تجربہ

نتاشا نے اِیں ویلے وِچ بالٹی مور سٹی پبلک سکولاں وِچ مسلسل بہترین دے منیجر دی حیثیت نال خذمتاں انجام ݙین٘دی پئی ہِن جتّھاں اُوہ ڈین دی ایجوکیشن فیلو وی ریہی ہِن۔

ایوارڈز اَتے اعزاز

انگریزی تحریری ہنر دی آپݨی مہارت دی وجہ کنوں انّھاں نے آپݨے ہُنر نال اݨ ڳِݨَت ایوارڈز جِتّے ہِن جنّھاں وِچ تخلیقی تحریر وِچ، آؤٹ فاسٹینٹنگ ورک وِچ ایوارڈ، ایلمرایڈلر انڈر گریجویٹ مضمون انعام، افسانے کِیتے نارمن میلر ایوارڈ اَتے پیٹر بی لیوس سمر شامل ہِن۔

اُوہ مارٹن ڈیل دی رفاقت حاصل کرݨ آلی اَتے پرنسٹن یونیورسٹی دے ذریعے وی ہن اَتے پڑھݨ دی شفارشاں فراہم کرݨ آلے ہِک آن لائن نیوز لیٹر آئی سی می یو سی دے پِچّھوں دی زنانی ہِن۔