نبیل احمد خان آکھوانی گبول
نبیل احمد خان آکھوانی گبول | |
---|---|
رکن قومی اسمبلی، پاکستان | |
آغاز منصب
1 جون 2013 | |
معلومات شخصیت | |
ڄمݨ | 16 نومبر 1962ء (63 سال) |
شہریت | ![]()
|
مذہب | اسلام |
جماعت | پاکستان پیپلز پارٹی |
عملی زندگی | |
مادر علمی | جامعہ کراچی |
کم | سیاست دان |
ماء ٻولی | اردو |
پیشہ ورانہ زبان | اردو |
درستی - ترمیم ![]() |
خاندانی پس منظر اتے ابتدائی و اعلیٰ تعلیم
[لکھو | ماخذ وچ تبدیلی کرو]پاکستان پیپلز پارٹی دے سابقہ سینئر راہنما سردار نبیل احمد خان گبول، سردار خان احمد خان گبول دے پتر ہن۔ اوہ 16 نومبر 1962ء کوں کراچی وچ ڄمیے۔ اوہ بلوچ قبیلہ "گبول" دے موجودہ "چیف سردار" وی ہن۔ ابتدائی تعلیم St Patrick's High School توں حاصل کیتی، 1982ء وچ کراچی یونیورسٹی توں بیچلر کیتا۔ انہاں نے ہک سیاسی خاندان وچ اکھ کھولی ہئی، ایں سانگے شروع توں سیاست نال لڳاؤ ہئی۔ انہاں دے ݙو بھرا وی ہن جیہڑے سیاست توں دور تے بزنس مین ہن۔ سردار نبیل احمد خان گبول گوکہ عمانی شہریت رکھدے ہن مگر انہاں دی تعلیم تے تربیت کراچی وچ تھئی۔ انہاں دے ہک وݙے بھرا سرفراز احمد خان گبول وی عمانی شہریت دے حامل ہن تے مسقط وچ کاروبار نال منسلک ہن۔ ذوالفقار علی بھٹو دے قریبی ساتھی تے پیپلز پارٹی دے بانی رکن بیرسٹر عبد الستار گبول آپ دے چاچا ہن۔ سردار نبیل گبول نے پارٹی تے سیاست دی خاطر اپݨی عمانی شہریت دی قربانی ݙتی۔ انہاں دے ݙاݙا سردار خان بہادر اللہ بخش گبول تقسیم ہند توں پہلے دی سندھ اسمبلی دے "ڈپٹی اسپیکر" رہے تے کراچی دے ݙو دفعہ میئر وی رہے۔ تحریک پاکستان وچ سردار اللہ بخش گبول دا وݙا مثبت کردار رہیا۔ انہاں دے پیو خان احمد خان گبول تے چاچا عبد الستار گبول نے پاکستان دی سیاست وچ وݙا فعال کردار ادا کیتا۔
سیاسی زندگی
[لکھو | ماخذ وچ تبدیلی کرو]انہاں نے 24 سال دی عمر وچ سیاسی کیریئر دا آغاز پاکستان پیپلز پارٹی توں کیتا۔ ہݨ تک مسلسل پنڄ دفعہ اوہ پاکستان پیپلز پارٹی کیتے تے ہک دفعہ ایم کیو ایم کیتے سیٹ جیت چکیے ہن۔ ممبر قومی تے صوبائی اسمبلی منتخب تھیوݨ دے علاوہ انہاں کوں سندھ دے کم عمر ترین ڈپٹی سپیکر تھیوݨ دا اعزاز وی حاصل ہے۔ انہاں کوں مارچ 2009ء وچ بلوچستان دے سیاسی بحران کوں حل کرݨ کیتے پیپلز پارٹی دی خصوصی ٹیم وچ شامل کیتا ڳیا۔ انہاں نے مخلصانہ طور تے بلوچ عوام دی مشکلات حل کرݨ کیتے بلوچستان دے سیاسی تے قبائلی راہنماواں نال ملاقاتیں وی کیتیاں مگر افسوس کہ انہاں دی پارٹی بلوچاں دے مسائل حل کرݨ وچ ناکام رہی۔ پیپلز پارٹی دی سابقہ حکومت وچ اوہ وفاقی کابینہ دا حصہ رہے مگر آصف علی زرداری نال اختلافات دی وجہ توں انہاں نے اپݨے عہدے توں استعفیٰ ݙے ݙتا۔[١]
گبول قبیلہ دے کیتے خدمات
[لکھو | ماخذ وچ تبدیلی کرو]سردار نبیل احمد خان گبول نے کوہستان کیتے وݙیاں خدمات سر انجام ݙتیاں ہن۔ اوہ اپݨے علاقے دی فلاح کیتے اتھوں دی غریب عوام نال ملدے ہن، انہاں دی مشکلات دی داستان سݨدے تے انہاں دے نال یکجہتی دا اظہار کر کے انہاں دے مسائل حل کریندے ہن۔ ایں ساہنڳے کوہستان دے عوام انہاں توں بہت خوش ہن۔ انہاں نے کوہستان وچ عوام کیتے ہک "اوطاق" قائم کیتا۔ سرکاری مصروفیات توں فارغ تھی کے اوہ اتھاں آ کے علاقے دے لوکیں دے مسائل سݨدے ہن۔ انہاں نے لیاری دے نال نال کوہستان وچ وی بلوچ عوام کیتے بلا تخصیص کم کیتے ہن۔ انہاں نے جنہیں ترقیاتی کماں دی منظوری کروائی انہاں وچ بجلی دی رسد، پختہ روڈ، روزگار دے مواقع، ٹیلی فون وغیرہ دی سہولیات قابل ذکر ہن، انہاں وچوں تقریباً تمام منصوبے مکمل تھی چکے ہن۔ انہاں دی خدمات اپݨے قبیلے دے علاوہ کوہستان دی ݙوجھیاں برادریاں کیتے وی ناقابل فراموش ہن۔ خاص طور تے انہاں نے کڑچاٹ، نئیغ، ٹکو باران، تونگ، کیئجی، بیلا ٹپ، کوہ تراش، ملیرڑی وغیرہ وچ بے شمار فلاحی کم کروائے جنہاں دی پورے علاقے وچ مثال کائنی ملدی۔ ٹھوٹھ جبل توں راستہ کڈھواوݨا تے کیر تھر پہاڑ دی مغربی تے شمالی ندی کوں ملݨ آلے کم ہمیشہ یاد رکھیے ویسن۔ کوہستان دی غریب عوام سردار نبیل احمد گبول توں ٻہوں خوش ہے۔ حال ہی وچ انہاں نے ضلع جام شورو، تھانہ بولا خان وچ آباد گبول قبیلہ کیتے سید یوسف رضا گیلانی توں بجلی دی منظوری کروائی ہے۔ "گبول" ہک وݙا قبیلہ ہے جیہڑا کراچی، کاشمور، علی پور، باران، جیکب آباد، گڈاپ، دادو، گھوٹکی، بدین، راجن پور دے علاوہ سلطنت عمان تے سعودی عرب وچ وی موجود ہے۔ سردار نبیل احمد گبول خود کیتے موروثی سیاست تے جاگیردارانہ شناخت کوں فخر سمجھدے ہن۔ ایہہ وجہ ہے کہ اوہ آصف علی زرداری دی ایں ڳالھ تے ناراض ہن کہ اوہ اپݨے ناں دے نال "سردار" نہ لکھن جو نہ صرف انہاں دی خاندانی شناخت ہے بلکہ اوہ موجودہ وقت وچ بلوچی قبیلہ "گبول" دے چیف سردار وی ہن جیہڑا زرداری قبیلے توں کہیں وݙا ہے۔[٢]
سردار نبیل احمد گبول جݙاں رکن سندھ اسمبلی منتخب تھئے تاں انہاں دی شہریت عمانی ہئی تے عمانی پاسپورٹ تے پاکستان وچ مقیم ہن۔ جݙاں ݙوجھی وار سندھ اسمبلی دے ڈپٹی اسپیکر منتخب تھئے، انہاں دی شہریت تے ہنگامہ تھیا تاں اوہ عمان ویچ اپݨے عمانی پاسپورٹ توں دستبردار تھئے تے پاکستانی شہریت تے ڈپٹی اسپیکرشپ قائم رکھی۔ سردار نبیل گبول دا آبائی حلقہ انتخاب کراچی وچ ہمیشہ لیاری دا علاقہ رہیا ہے۔ تے اوہ ہمیشہ ایں حلقہ انتخاب توں جیتددے رہے ہن۔ اگر ایہہ آکھیا ویسی تاں بے جا کائنی ہوسی کہ لیاری گبول خاندان دا مضبوط حلقہ انتخاب رہیا ہے۔
سردار نبیل احمد خان گبول نے ایہہ آکھ کے وزیر مملکت برائے پورٹ اینڈ شپنگ دے منصب توں مستعفی تھئے کہ اوہ اپݨے ترائے سالہ پیپلز پارٹی دے دور وزارت وچ اپݨے حلقہ انتخاب وچ ووٹرز دے مسائل حل کرݨ وچ ناکام رہے تے ایں حد تک شرمندہ ہن کہ اپݨے حلقہ انتخاب وچ لوکیں دا سامݨا وی کائنی کر سڳدے۔ مگر زیادہ تر تجزیہ نگار ایں دلیل نال اتفاق کائنی کریندے۔ اوہ ایں دے مضمرات ڄاݨݨ کیتے انہاں امکانات کوں وی نظر انداز کائنی کریندے کہ پس پردہ "سرداری" دی رسہ کشی تے انہاں دی مشکوک دوہری شہریت دا ٹکراؤ شامل ہووے تے چونکہ انہاں دے بیانات پارٹی پالیسی دے خلاف ویندے پئے ہن جیندے وچ سب توں اہم کراچی وچ ٹارگٹ کلنگ کوں روکݨ کیتے "فوج سݙاوݨ دا مطالبہ" سردار نبیل احمد خان گبول نے ہی کیتا ہئی، جیہڑا آکھیا ویندے کہ پارٹی پالیسی دے سخت خلاف ہئی۔ مگر مختلف ٹاک شوز وچ اوہ ایہہ وی وضاحت کر چکیے ہن کہ انہاں نے کراچی وچ پاکستان دی فوج سݙاوݨ دی ڳالھ کیتی ہئی نہ کہ بھارت دی۔[٣]
حوالہ
[لکھو | ماخذ وچ تبدیلی کرو]- ↑ گبول قبیيلي جو تاريخي جائزو (2011) محقق: عبد الحميد گبول۔
- ↑ گبول قبیلہ کی نمایاں شخصیات صفحہ 348، ناشر: ادارہ تحقیق و تاریخ، علی پور (2014)
- ↑ "Google Search"۔ www.google.com۔ اخذ شدہ بتاریخ 2025-02-22
- Pages using the JsonConfig extension
- اسلوب حوالہ 1 کا انتظام: غیر آرکائیو شدہ روابط پر مشتمل حوالہ جات
- ویکی ڈیٹا نال مطابقت رکّھݨ آلی مختصر تفصیل
- سندھی شخصیتاں
- پاکستانی سیاست دان
- پاکستان پیپلز پارٹی دے سیاست دان
- بلوچ شخصیتاں
- جِین٘دے شخصیّتاں
- ویکی ڈیٹا حوالیاں آلے صفحے
- ویکی ڈیٹا آلے صفحے
- ویکی ڈیٹا کنوں ماخوذ پیشہ ورانہ ٻولی
- ویکی ڈیٹا دے مواد کوں ورتاوݨ آلے صفحے
- مادر علمی ویکی ڈیٹا کنوں ماخوذ