ناہیداختر

ناہید اختر پاکستان دی ہک معروف گلوکار ہِن۔ستویں تے اٹھویں دہائی اچ تقریباً ویہہ سال تک احمد رشدی دی آواز دے مقابلے ا چ اے سوہݨی نسوانی آواز اپݨے ویلھے دی صف اول دی ہیروئن دے ہونٹاں تے ہئی۔ وحیدمراد تے احمد رشدی دی آواز تے بابرہ شریف تے ناہید اختر دی آواز خوب جچدی ہئی ۔ انہاں دے نا قابل فراموش گیت جیڑھے اڄ وی ول ول شوق نال سُنڑیے ویندن اے ہن۔تم سے الفت کے تقاضے۔ ساون کے دن آئے۔ دل توڑ کے مت جائیو ۔ اللہ ہی اللہ کیا کرو۔ یہ آج مجھ کو کیا ہوا۔ دل سنبھالا نہ جائے۔

اٹھویں دہائی دے بعد جݙاں فلمی صنعت تے زوال آیا قدرتاً ناہیداختر نے ٹیلی ویژن دا رُخ کیتا۔ اتھاں انہاں نے کجھ سنجیدہ گاٖݨے گاٖئے۔ ایندا پروگرام ’’سر بہار‘‘ ایں اعتبار نال یاد گار ہے جو انہاں کوں کلاسیکی موسیقی اچ اپݨی صلاحیت اُجاگر کرݨ دا موقع ملیا ۔اے پروگرام امیر خسرو دی موسیقی تے مبنی ہا۔ ہُݨ ناہید اختر خالص گھریلو زندگی بسر کریندی پئی ہن۔  انہاں سرائیکی کلام وی گاٖئے ۔نندر نے کیاں جھوکاں لایاں، بیشک ڄاݨاں ‘‘ ٻہوں مشہور ہن۔

حوالہ

کتاب: میݙی دھرتی، میݙے لوک ، مصنف: ظہور احمد دھریجہ ، ناشر: جھوک پبلشرز ، ملتان 2018ء