ناظم پپلانوی
اصل ناں محمد اسلم
قلمی ناں ناظمؔ پپلانوی
ڄمݨ 1951ء
تعلیم میٹرک
پیشہ ریٹائرٹیچر
فون نمبر 0346 4854446
جاہ پتہ شہر پپلاں ضلع میانوالی
ناظمؔ پپلانوی اردو تے سرائیکی دے مہاندرے شاعر ہن، آپ نے شاعری دا آغاز اردو اچ کیتا ، لیکن بعد اچ سونا خاں بے وسؔ تے اقبال سوکڑی کنوں متاثر تھی کے سرائیکی شاعری شروع کیتی، کجھ عرصہ بھکر دے صحرائی علاقے وچ سکول ٹیچر دے فرائض سر انجام ڈِٖتے ، جتھاں سرائیکی شعراء دیاں محفلاں تے ادبی ماحول میسر آیا ،مختلف شعرا نال تعلقات قائم تھئے۔تے دور دور تئیں مشاعرے پڑھنْ دا موقع ملیا ۔ اردو شاعری اچ آپ دے مضامین محبت ، ہجرفراق تے انسانیت دے ڈٖکھ درد ہِن۔تے سرائیکی شاعری اچ غربت ،صحراء دے پندھ تے کیچ دی ملکہ سسی آپ دے پسندیدہ موضوعات ہن۔ناظم بنیادی طور تے غزل گو شاعر ہے تے غزل دے لوازمات توں باخوبی واقف ہے۔نمونہ کلام حاضر ہے۔
(1)غزل
[لکھو | ماخذ وچ تبدیلی کرو]ڈٖکھڑے ڈھیر سزا دے وانگوں
دل کوں ساڑن بھا دے وانگوں
ہجر دے پینڈے اوکھے مُکِسن
تھل دے اوکھے راہ دے وانگوں
سکھ دی مَݨ کوں ڈھا لڳ ڳئی ہے
سندھ دریا دی ڈھا دے وانگوں
میݙے من وچ توں وسدا ہیں
سسّی دے شہزادے وانگوں
توں ساوݨ دی بدلی ونگوں
میں تپدے صحراء دے وانگوں
پیار دا کاسہ چا کے ناظمؔ
پنساں روز گدا دے وانگوں