ناصر جروار

ناصر جروار سرائیکی زبان دا شاعر ہے۔

ڄم پل

پہلی جنوری ١٩٦٨ء کوں شاہ صدردین وچ ڄمے

ایم فل اردو علامہ اقبال اوپن یونیورسٹی اسلام آباد

"احمد خان طارق " ادبی و ثقافتی سنگت (یونٹ )شاہ صدر دین ضلع ڈیرا غازی خان

میڈے پیت پیار دی پارت ہئی متاں کہیں جاہ ونج ونڈواویں لیک لواویں

تیڈے من وچ لہہ متاں غیر ونجے پیا جو کجھ آکھے بھاویں انگ نہ ماویں

ذرا نال دھیان دے پیر وٹا بس پختہ تھی ڈکھلاویں سوچ پساویں

بیا ناصر تیکوں کیں ڈسنڑے تھی ہک دا توڑ نبھاویں مانڑ ہنڈھاویں

لنگھ آوے دلبر من منگدا میں نال نبھاوے چس آوے

ہنجھ لہہ موئ مونجھ دے اولےکر بہہ درد ونڈاوے چس آوے

آج اختی بختوں ڈھہہ پئ آں جگ وانگ وساوے چس آوے

اکھ نوٹاں ناصر سئیں ہووے روح نال الاوے چس آوے

جہرھا ذہن کوں خیر خراج ڈیوے او راز خیال مبارک

جتھ قرب کوں صحبت مل پووے سنگ سنگت نال مبارک

شالا خیر دے لحظے نبھ آون ہووی دھوڑ دھمال مبارک

ست رنگ اچ نت ابھردے دا ننواں ناصر سال مبارک

#* شاعر #* ناصر جروار*#

کر جرات قدم اگوہاں رکھ پئی منزل تیڈے پیر چمے۔

بدھ آس توکل مونجھ توں ہٹ کائینات کھڑے پھل کیر چمے۔

سٹ بھالے بھوگ کوں ویندا کر تھی روشن آن سویر چمے۔

رکھ ناصر عرش تے اکھ اینجھی اے فرش ودا چووپھیر چمے۔

میں مست ہم جھار اڈار دے وچ میڈے پر اسمان کوں لگدے ہن *

بھئوں کھاندی بھوئیں دے بھاگ وڈے اے رنگ جہان کوں لگدے ہن*

چئو چنڈی کل کائنات دے وچ ست رنگ ارمان کوں لگدے ہن *

نہ سدھ ہم ناصر اجڑ ویساں ڈکھ جکڑیئے جان کوں لگدے ہن

استاد محترم سئیں ناصر جروار صاحب