ناصرہ خاتون

ناصرہ خاتون
معلومات شخصیت
شہریت	پاکستان
عملی حیاتی
مادر علمی	جامعہ کراچی (–1994)
تخصص تعلیم	طفیلیات
تعلیمی اسناد	ڈاکٹر آف فلاسفی
پیشہ	ڈین
پیشہ ورانہ زبان	انگریزی ،  اردو

ناصرہ خاتون جامعہ کراچی دی پہلی زنانی قائم مقام وائس چانسلر، سینئر ترین پروفیسر، سائنس تے انجینئرنگ دی فیکلٹیز دی ڈین ہن۔ اوہ پاکستان جرنل آف پیراسٹولوجی دی موجودہ چیف ایڈیٹر ہن۔

اوہ پہلی سائنس دان ہن جنھاں نے ہک پیراسائٹ، اکانتھوسیفالا (جیڑھا عام طور تے "کانٹے دے سر والا کیڑا" سݙیا ویندا ہے) دی شناخت کیٹ فش (کھگگا) وچ کیتی، جیڑھا پاکستان دے نال نال بحیرہ عرب وچ پائی ونڄݨ والی خوردنی مچھلی ہے۔

ذاتی حیاتی

ناصرہ خاتون نے 1983 وچ اے پی ایس کالج برائے خواتین توں بی ایس سی کیتا۔ 1986 وچ انھاں نے جامعہ کراچی دے شعبہ زولوجی توں ایم ایس سی دی ڈگری حاصل کیتی۔ بی ایس سی تے ایم ایس سی ݙوہاں وچ انھاں نے فرسٹ ڈویژن حاصل کیتا۔ انھاں نے پھر جامعہ کراچی دے شعبہ حیوانیات توں پیراسٹولوجی وچ پی ایچ ڈی 1994 وچ مکمل کیتی۔ ایں دوران انھاں نے طبی تے ویٹرنری پیراسیٹولوجی تے پیتھالوجی تے فش پیتھالوجی دے شعبیاں وچ مہارت حاصل کیتی۔

کَم کار آلی حیاتی

ناصرہ خاتون نے اپݨے کیریئر دا آغاز 6 جون 1987 کوں جامعہ کراچی وچ میوزیم اسسٹنٹ دے طور تے کیتا۔ اوہ یکم مارچ 1988 تک ایں عہدے تے فائز رہیاں۔ 30 اپریل 1989 کوں انھاں نے زولوجی ڈیپارٹمنٹ وچ بطور کوآپریٹو ٹیچر شمولیت اختیار کیتی تے مارچ 1990 وچ ڈیپارٹمنٹ دی طرفوں ایڈہاک لیکچرار دے طور تے تقرری تک ایں عہدے تے رہیاں۔ اوہ مارچ 1994 وچ اسسٹنٹ پروفیسر بݨ ڳئیں۔ بعد وچ جنوری 2000 وچ ایسوسی ایٹ پروفیسر تے نومبر 2005 وچ پروفیسر مقرر تھیاں۔ اوہ 25 اکتوبر 2019 کوں 3 نومبر 2020 تک شعبہ زولوجی دی چیئرپرسن وی رہ چکیاں ہن۔[2]

فروری 2022 وچ سندھ دی یونیورسٹیز تے بورڈز ڈیپارٹمنٹ نے انھاں کوں جامعہ کراچی دی پہلی خاتون قائم مقام وائس چانسلر مقرر کیتا۔ اوہ جامعہ کراچی دی گذشتہ 71 سالہ تاریخ وچ وائس چانسلر دے عہدے تے فائز تھیوݨ والی پہلی زنانی ہن۔ انھاں دی مدت ملازمت 28 جولائی 2022 کوں ختم تھئی۔

2022 تک انھاں نے 7 پی ایچ ڈی تے 3 ایم فل دی نگرانی کیتی ہے۔ انھاں نے 35 کتاباں مشترکہ طور تے لکھیاں ہن تے بین الاقوامی تے قومی جریدیاں وچ 190 تحقیقی مقالے شائع کیتے ہن۔ اوہ پاکستان جرنل آف پیراسٹولوجی دی موجودہ چیف ایڈیٹر وی ہن۔