نادیہ ہاشمی

ڈاکتر نادیہ ہاشمی
معلومات شخصیت
پیدائش	(1977-12-12) دسمبر 12, 1977 کوئینز
رہائش	نیو جرسی نیویارک پوٹومیک، میری لینڈ (2008–)
قومیت	American
جماعت	ڈیموکریٹک پارٹی
عملی زندگی
تعليم	برینڈائس یونیورسٹی SUNY Downstate College of Medicine
پیشہ	ماہر امراض بچگان ،  ناول نگار ،  سیاست دان
پیشہ ورانہ زبان	انگریزی
وجہ شہرت	تین مرتبہ زیادہ بکنے والی مصنفہ اور پہلی افغانی نسل کانگریس کی امیدوار.
ویب سائٹ
ویب سائٹ	www.nadiahashimi.com

نادیہ ہاشمی (انگریزی: Nadia Hashimi) (ڄَمَّݨ: 12 دسمبر 1977ء) ٻالاں دی ڈاکٹر، ناول نگار تے ڈیموکریٹک پارٹی دی طرفوں ریاستہائے متحدہ ایوان نمائندگان دی امیدوار رہ چُکی ہِن۔ اُنّھاں نے کامیاب ناول تخلیق کِیتے ہِن؛ دی پرل ڈیٹ بریک اٹس شیل، وین دی مون از لو تے ا ہاوس ودآوٹ وینڈوز۔

ابتدائی حیاتی

ہاشمی دی ڄَمَّݨ 12 دسمبر 1977ء کوں کوینس، نیو یارک وِچ تِھئی۔ اوہ افغانی نسل نال تعلق رکھدی ہِن۔ اُنّھاں دے والدین 1970ء دے اوائل وِچ امریکہ ٹُر ڳئے ہَن۔ اُنّھاں دی ماں نے ہالینڈ وِچ انجیئرنگ وِچ ماسٹرز دی ڈگری حاصل کِیتی۔ اُنّھاں دے والدین نے کُجھ ݙین٘ہاں دے بعد افغانستان واپس وَتن دا فیصلہ کِیتا پر افغانستان وِچ سوویت جنگ دی وجہ توں اُتّھوں دے حالات وَدھ خراب تِھی ڳئے۔ لہٰذا اُنّھاں نے امریکہ وِچ ای رہوݨ دا فیصلہ کر گِھدّا۔

تعلیم تے ابتدائی پیشہ ورانہ حیاتی

ہاشمی دی تعلیم برینڈائس یونیورسٹی وِچ تِھئی۔ اُتّھاں اُنّھاں نے مشرق وسطی تے بایولوجی وِچ ماسٹر دی ڈگری حاصل کِیتی۔ تے نیویارک یونیورسٹی توں ماہر امراض اطفال دی ڈگری حاصل کِیتی۔ 2008ء وِچ اُنّھاں نے واشنگٹن ڈی سی دے چلڈرن نیشنل میڈیکل سینٹر دے شعبۂ عاجلہ وِچ اپݨے طبی کیرئر دا آغاز کِیتا۔ 2011ء وِچ میری لینڈ وِچ اُنّھاں نے اپݨے شوہر دے نیوسرجری وِچ کَم کرݨا شروع کر ݙِتّا۔

ادبی حیاتی

2014ء وِچ ہاشمی نے اپݨا پہلا ناول دی پرل ڈیٹ بروک اتس ونگ شائع کِیتا۔ اِیہ ݙو افغان عورتاں دی کہانی ہِے جیڑھے ہِک صدی دے فرق نال ڄَمّیاں ہَن پر اُنّھاں وِچ کُجھ وراثتی میل ہئی۔ کہانی اِیں طرحاں ہِے جو موجودہ زمانے وِچ رحیمہ بچا پوش زیب تن کریندی ہئی۔ اِیہ ہِک مردانہ لباس ہِے۔ اُون٘وں اِیہ لباس اِیں سانگے پَہݨݨا پِیا جو اوہ اپݨے اہل خانہ دی مدد کریندی ہئی تے اپݨیاں بھیݨاں کوں اسکول تائیں چھوڑݨ ویندی ہئی۔ اِیویں قدیم زمانے وِچ شکیبہ وی مردانہ لباس پَہندی ہئی تے بادشاہ حبیب اللہ دے حرم دی محافظین وِچوں ہئی۔

دی پرل ڈیٹ بروک اتس ونگ کوں عالمی سطح تے چَنڳی پذیرائی مِلّی تے زبادہ وِکنڑ والی کتاب بݨ ڳئی۔ 2014ء وِچ گوڈ ریڈس دی پہلی ناول نگاراں وِچ سرفہرست رہیاں۔ اِیہ ناول دا ترجمہ فرانسیسی، اطالوی، نارویجن، جرمن، ترکی تے ہنگری زباناں وِچ تِھی چُکّا ہِے۔ اُنّھاں دا ݙوجھا ناول وین دی مون واز لو 2015ء وِچ شائع تِھیا تے اِیہ وی زبادہ وِکنڑ والا ناول بݨ ڳیا۔ او دی اوپرہ میگزین نے اِیں کوں "سرحد، حد بندیاں، پابندیاں تے جفاکش ماواں دے ہمت تے حوصلہ جئیں موضوعات دی وجہ توں اِیندے پڑھݨ تے زور ݙِتّا"۔

اُنّھاں دا تِریجھا ناول ''ا ہاوس ود آوٹ ونڈوز'' 2016ء وِچ شائع تِھیا تے اِیہ وی پہلے ݙو ناولاں دی طرحاں زبادہ وِکنڑ والا ناول بݨیا۔ اُنّھاں نے ٻالاں تے وی ݙو کتاباں لِکّھیاں۔ 2021ء وِچ اُنّھاں دی کتاب ''اسپارکس لائک اسٹارس'' چَنڳے چرچے وِچ رہی۔