مݨہاں آلی

مݨہاں آلی۔۔۔۔۔

1490 وچ میر سہراب خان ہوت ملتان دے لنگاہ سلاطین دی طرفوں کوٹ کروڑ توں دھن کوٹ (کالا باغ) تئیں ملتان تے غزنی خراسان دے ادھ ئچ سرحدی علاقیں دا منتظم مقرر تھئیا۔

میر سہراب خان ھوت ملتان چوں کوٹ کروڑ لعل عیسن ئچ سہروردی صوفیاء کولوں حاضری ݙے کے مݨہان آلی دے پتݨ نال دریائے سندھ پار کیتا تے ݙلہائی مݨ نال ٻٻر گھاٹ تے کہیری گھاٹ آباد تھئے۔

مݨہان آلی دے وچ بلوچ قبائل دے پیر و مرشد خانوادے کہیری سادات تݙھݨ دے آباد ہن۔

لوظ مݨہاں آلی مقامی زبان ئچ دریا دی ڈھا تے ڈاھندی مݨ کیتے آکھا ویندے۔ اے ہک لوظ نئیں اساڈے وسبے دی تاریخ دے زبان دے وکھرپ کوں پندرہویں صدی کولوں نشابر کریندے۔

انہئیں پیر فقیراں دی وجہ توں دریائے سندھ دے اروار تے پار آلے پتݨ پتݨ کہیری سݙیندن۔ تے انہاں دے نال جڑی ہوئی سندھو سئیں دی کچھی ایں جہان دی زرخیز زمین اے ڄیکوں برطانوی راج برصغیر دا کیلی فورنیا لکھ ڳئن۔

مݨہان آلی دے چودہاروں بلوچ ، سادات تے ڄٹ قبائل آباد ہن۔

پندرہویں صدی دی تاریخ دا حوالہ اے ڄھاہ ہݨ ہائی وے ڈیپارٹمنٹ دے مہاندرے انجنیئرز تے ٹھیکیداریں دی اڑدو دا بھوڳ بھوڳیندی پئی اے جیکوں مڈھانوالی لکھ ڈتے گئے ، اے صرف ناں نال کھڑاند نئیں اے تل وطنی مقامیت توں اݨ واقفی تے ناقدری اے۔

مݨہان آلی تحصیل کروڑ لعل عیسن ضلع لیہ۔۔