میݙا ویر ڳیا ملتان
میݙا ویر ڳیا ملتان اے
گھن آیا قلمی قرآن اے
جیکوں پڑھدا سارا جہان اے
ورقے پھول پھول تے
میݙا ویر ڳیا بھنبھور اے
گھن آیا موراں دے جوڑے
جیرھے ٹُردے نازک ٹور اے
زُلفاں کھول کھول تے
میݙا ویر ڳیا کراچی
گھن آیا اَظلم ݙاچی
جئیں تے چڑھسی گھوٹ دی چاچی
واڳاں موڑ موڑ تے
میݙا ویر ڳیا بازار اے
گھن آیا چندن ہار اے
جیکوں پیسی لال کنوار اے
لڑیاں جوڑ جوڑ تے
حوالہ
[لکھو | ماخذ وچ تبدیلی کرو]سرائیکی سہرے ، مرتب: شائستہ ظہور ، چھاپہ خانہ : جھوک پرنٹرز، ملتان