میݙا داغستان

میݙا داغستان

رسول حمزہ طوف

تساں اہدے او سوویت شہری کوں محض سوویت شہری ہووݨاں چاہیدا اے ،آوار یا داغستانی ناں.لیکن میں اپݨی ڳالھ کریساں کہ میں اپݨے آپ کوں ہکے ویلھے آوار تے داغستان دا وسندڑ تے سوویت شہری سمجداں تے اے ساریاں ڳالھیں یقینی طور تیں ہک ݙوجھے دی نفی نئی کریندیاں.. اے تاں سارے ڄاݨدو جو دنیا دا منڈھ کریملن کن تھیندے خود میݙا وی ایہو خیال اے.میݙے نیڑے دنیا صرف کریملن کن ای شروع نی تھیندی بلکہ میݙے اپݨے گھر کن شروع تھیندی اے میݙے مکان دی ݙیڈھی کن شروع تھیندی اے اتے اوں ڳوٹھ کن شروع تھیندی اے جیندا میں وسندڑ آں.کریملن تے میݙا ڳوٹھ،کمیونزم دیاں چیتے کاریاں اتے اپݨے وسبے نال محبت دا احساس ایویں ہن جیویں ہک پکھی دے ݙو پر یا کہیں پاندور دے ݙو تار....(بلال بزدار)