میں سپورٹس مین ہم

اُستاد دی سنگت توں پہلے میں سپورٹس مین تاں ہم ، والی بال دا شوق میکوں ریاست گھن آیا ، نہ تاں سندھ دریا اساں راجن پور آلئیں کوں ریاست کتھ آوݨ ݙیندا ہا ، ایہا کھیݙ ہئی جو اساکوں ریاستی سنگت ݙے ڳئی ایہا سنگت ایجھی بھاݨی جو اَڄ وِسر دی کینھی ، یادیں کوںاپݨے گزرے ویلے یاد کریندے ٻیٹھوں تے ٹھڈے ساہ بھریندے ٻیٹھوں ۔ میں چہنداں جو میݙی حیاتی وچ اُستاد دیاں ودھ توں ودھ کتاباں چھپ ونڄن ۔اُستاد وݙا شاعر ہا ، ایں سانگے وݙے شاعر تے وݙے ادیب اوندے نال ساڑ رکھدے ہَن کیوں جو او کُھریاں چا تے وی اوندے قد کوں نہ پُڄ سڳدے ہَن ، یونیورسٹی ءِچ ہک بندے شئت او ججے یا کھائی دا ہا اُستاد تے تحقیقی کم دا عنوان رکھیا تاں اسلامیہ یونیورسٹی آلئیں اونکوں فیل کر چھوڑیا یا تھرڈ ڈویژن بݨا ݙتا جو او اڳوں نہ ٹُر سڳے ۔اوندا قصور اُستاد قیس فریدی صاحب تے تحقیقی کم کرݨ ہا۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان