میکوں جوڑا سِوا ݙے

سہرا

میکوں جوڑا سِوا ݙے میں پیندی آں

میں تاں نال تیݙے ویرݨ ویندی آں

میکوں جوڑا سِوا ݙے ملتان توں

میں تاں صدقے ویرݨ تیݙی شان توں

میکوں جوڑا سِوا ݙے روہی توں

میں تاں صدقے ویرݨ تیݙی لوئی توں

میکوں جوڑا سِوا ݙے نویں کوٹ توں

میں تاں صدقے ویرݨ تئیں گھوٹ توں

میکوں جوڑا سِوا ݙے کشمور توں

میں تاں صدقے ویرݨ تیݙی ٹور توں

میکوں جوڑا سِوا ݙے وئیس توں

میں تاں صدقے ویرݨ تیݙے دیس توں

حوالہ

سرائیکی سہرے ، مرتب: شائستہ ظہور ، چھاپہ خانہ : جھوک پرنٹرز، ملتان