میڈے دیس وچ

آ میڈا جانیاں آ میڈے دیس وچ

آمیڈا جانیاں آمیڈے دیس وچ آ کے ڈیکھیں جو دردیں دی سولی اتے لوک چڑھدن کیویں لوک لہندن کیویں.. پتھریں دے بنڑے ہوۓ گھریں دے اندر ریشمی جسم ڈکھاں کوں سہندن کیویں.. مونجھیں کونجیں دے وانگوں چودھاروں پھرن شام تھیوے تاں کندھیاں تے بہندن کیویں.. رات بے سئیت لوکاں دے گھر دے اندر وئینڑ در دے ولیکھاں توں آندن کیوں.. آکے ڈیکھیں جو دردیں دی درسال تے ایں حیاتی کوں کیویں رو وایا ویندے... اپنڑیں آکھیں دیں ہنجھوں کوں پالنڑ کیتے بے کسی کوں وسیلہ بنڑایا ویندے.. اتھ تاں معصوم دے ہونٹ سیتے ویندین اوندیں جذبیں کوں سولی چڑھایا ویندے.. عید دی رات ہے بھانویں شب رات ہے دڑکے ڈے ڈے کے اوکوں سمایا ویندے..

آ کے ڈیکھیں جو میڈے مقدر دے وچ اوکھے پینڈے ریہے پندھ کشالے ریہے.. تیڈے سانگے ڈسا خوشیاں کتھوں پناں میکوں ملنڑ کیتے ڈکھ اوبہالے ریہے..

آمیڈا جانیاں آ میڈے ڈیس وچ...!!