میڈیا بینجمن

میڈیا بینجمن
معلومات شخصیت
پیدائش	10 ستمبر 1952ء (73 سال)  فری پورٹ، نیو یارک
رہائش	واشنگٹن ڈی سی
شہریت	ریاستہائے متحدہ امریکا
تعداد اولاد	2
عملی زندگی
مادر علمی	ٹفٹس یونیورسٹی
پیشہ	کارکن انسانی حقوق ،  سیاسی مصنف ،  جنگ مخالف کارکن ،  ماہر معاشیات ،  ماہر ماحولیات
پیشہ ورانہ زبان	انگریزی ،  ہسپانوی
اعزازات
گاندھی امن انعام (2014)
	IMDB پر صفحہ

میڈیا بینجمن (انگریزی:Medea Benjamin) (پیدائشی ناں: سوسن بینجمن؛ 10 ستمبر 1952ء) ہک امریکی سیاسی کارکن ہن جیڑھیاں جوڈی ایونز تے ٻئے لوکاں دے نال مل تے کوڈ پنک دی بانی ہن۔ انّھاں نے اپݨے شوہر کیون ڈیناہر دے نال میل تے منصفانہ تجارتی گروپ گلوبل ایکسچینج وی قائم کیتا۔ بینجمن 2000ء دے کیلیفورنیا وِچ ریاستہائے متحدہ دی سینیٹ دے انتخابات وِچ گرین پارٹی دی امیدوار ہئی، جیندے وِچ اوہ میڈیا سوسن بینجمن دے ناں نال کھڑی تھئی ہئی۔

ابتدائی حیاتی

سوسن بینجمن 10 ستمبر 1952ء کوں ایلوین تے روز بینجمن دی دھی دے طور تے پیدا تھئی۔ اوہ لانگ آئی لینڈ دے فری پورٹ وِچ ودی ہئی تے یہودی نسل نال تعلق رکھدی ہئی۔ انّھاں دے پیو، ایلوین بینجمن (1920-2012)، ہک امیر رئیل اسٹیٹ ڈویلپر ہن تے دی بینجمن کمپنیز دے صدر ہن۔

ٹفٹس یونیورسٹی وِچ اپݨے پہلے سال دے دوران، انّھاں نے یونانی دیو مالائی کردار میڈیا دے ناں تے اپݨاں ناں بدل گھدا۔ سیموئیل موئن نے لکھیا جو بینجمن کوں "ایہ ناں پسند آیا تے انّھاں نے یونانی المیے دے ہک نسوانی تشریح سݨی ہئی جیڑھی ایہ مشورہ ݙیندی ہئی جو میڈیا نے کݙاں اپݨے ٻالاں کوں نی ماریا تے ایہ صرف مردانہ ریتاں دی طرفوں الزام لایا ڳیا ہئی"۔ 

انّھاں نے اسٹوڈنٹس فار ڈیموکریٹک سوسائٹی وِچ وی شمولیت اختیار کیتی۔ بعد وِچ انّھاں نے سکول چھوڑ ݙتا تے یورپ تے افریقہ وِچ ہچ ہائیک کر کے انگریزی دیاں کلاساں پڑھا تے پیسے کَمائے۔ اوہ بعد وِچ ریاستہائے متحدہ واپس آ ڳئی تے کولمبیا یونیورسٹی توں عوامی صحت وِچ تے دی نیو اسکول توں معاشیات وِچ ماسٹر دی ڈگری حاصل کیتی۔ بینجمن نے لاطینی امریکہ تے افریقہ وِچ اقوام متحدہ دی فوڈ اینڈ ایگریکلچر آرگنائزیشن، ورلڈ ہیلتھ آرگنائزیشن، سویڈش انٹرنیشنل ڈویلپمنٹ ایجنسی، تے انسٹیٹیوٹ فار فوڈ اینڈ ڈویلپمنٹ پالیسی کِیتے معیشت دان تے غذائیت دان دے طور تے ݙاہ سال کم کیتا۔

Benjamin speaking at a Code Pink rally in 2004.