میڈا ملک ملھیر تباہ کیتی
یہود اکھیندے واہ کیتی میݙا ملک ملھیر تباہ کیتی
بد روحے کوٹ اساریے نی کئی اینجھے وان٘ور ڳاریے نی پتہ کیندے سینے ٹھاریے نی معصوم مجاہد ماریے نی کجھ رحم نہ بے پرواہ کیتی میݙا ملک ملھیر تباہ کیتی
حق منگدے ہَن حق دار وی ہن خود بین وی ہن خود دار وی ہن جمہور دا سݙ حُٻ دار وی ہن ہن مسلم سبھ دیں دار وی ہن ول ظلم وݙا ݙینہ لاہ کیتی میݙا ملک ملھیر تباہ کیتی
تیݙا دَور عتاب عذاب دا ہے شوں شاں دا ہے القاب دا ہے تیݙا عزم غرور حُباب دا ہے بے رحم مزاج جناب دا ہے کیوں ظلم توں ظلم دراہ کیتی میݙا ملک ملھیر تباہ کیتی
تئیں رات کوں ہن قتلام کیتے میݙی فوج کوں وی بدنام کیتے تئیں اورنگ ظلم سرِعام کیتے تئیں خون میݙے احلام کیتے میݙا سینے اوکھا ساہ کیتی میݙا ملک ملھیر تباہ کیتی