میلہ سخی سرور دا حال

سخی سرور سرکار دے میلے تے ویندیں ہوئیں راہ اچ ہک سنگھ دا منظر . . .اساڈے وڈکے تاں سو سو اٹھ دا سنگھ نیندے ہن پر اے تھوڑے جہیں اٹھ ڈیکھ کے وی من خوش تھی گئے. . . .نینگریں دی سنگھ دے اگوں دول تے بین دی سنگت تے من ہولا کرنڑ دے ترلے. . . . سنگھ اج وی سخی دی درگاہ تے امدن پر ٹرالیں،بسیں ،ویگنیں تے کاریں موٹر سائیکلیں تے. . پر اٹھیں دا سنگھ تاں واہ واہ اے. . . اے دول اے بین اے جھمر درگاہ تے ونج کے بند تھی ویسن کیوں جو ریاست دے ہرکارے اھدن دول بین ناں وجاو جھمر ناں کھیڈو دہشت گردی دا خطرہ اے. . . .طالبان شریعت دے نام تے اساں تل وطنیں کن خوشیاں کھسیندن اور ریاست دہشت گردی دا خوف ڈے کے اساڈی خوشیاں دی دشمن اے. . . . افسوس افسوس ریاست کن میوزیکل نائٹس واسطے، جشن بہاراں واسطے، فیشن شوز واسطے، مولویں دے جلسے واسطے ،پریڈیں واسطے تاں فول پروف سیکورٹی دے انتظامات ہن پر تل وطنیں دی خوشی واسطے کائنی. . . .آخر کیوں؟ (بلال بزدار)