میر گل خان نصیر

میر گل خان نصیر بلوچستان دی ہک ہر دلعزیز شخصیت ہن۔ آپ کوں "ملک الشعرا" دا خطاب ݙتا ڳیا ہئی۔ آپ 1914ء کوں نوشکی، بلوچستان وچ ڄمیے۔ آپ ہک مقبول سیاستدان، ہک قوم پرست شاعر، ہک تاریخ دان تے صحافی دی حیثیت نال پہچاݨیے ویندے ہن۔ آپ نے فارسی، اردو تے بلوچی ٻولی وچ شاعری کیتی۔ 6 دسمبر 1983ء کوں ایہ مڈ ایسٹ ہسپتال کراچی وچ کینسر دے موذی مرض دے ہتھوں فوت تھی ڳئے۔

ابتدائی زندگی

میر گل خان نصیر 14 مئی 1914ء کوں بلوچستان دے شہر نوشکی وچ مینگل قبیلے دی ہک شاخ پائیند خیل دے میر حبیب خان دے ہاں ڄمیے۔ درجہ چہارم تک اپݨے دیہات وچ تعلیم حاصل کیتی پھر گورنمنٹ سنڈیمن ہائی سکول کوئٹہ چلیے ڳئے۔ میٹرک دے بعد آپ نے اسلامیہ کالج لاہور وچ داخلہ ڳھدا۔ ٻارہویں جماعت وچ انگیٹھی توں ہک کوئلے دا ذرہ آپ دی اکھ وچ چلیا ڳیا جیندے باعث آپ واپس گھر آ ڳئے۔

سیاسی زندگی

لاہور توں واپس آ کے آپ نے "انجمن اتحاد بلوچستان" دی تنظیم وچ شرکت اختیار کیتی۔ ایہ تنظیم 1921ء وچ قائم تھئی ہئی۔ 1936ء وچ ایہ تنظیم جݙاں غیر فعال تھی ڳئی تاں بلوچستان دے نوجواناں نے "انجمن اسلامیہ ریاست قلات" دے ناں نال تنظیم بݨائی۔ میر گل خان نصیر صدر تے عبد الرحیم خواجہ خیل ایندے جنرل سیکرٹری منتخب تھئے۔ مشرقی پاکستان دے سانحے دے بعد میر عطا اللہ مینگل دی وزارت عظمیٰ دے دوران آپ صوبائی وزیر تعلیم، صحت تے انفارمیشن دے صوبائی وزیر ہن۔ آپ دے دور وچ بولان میڈیکل کالج دا سنگ بنیاد رکھیا ڳیا۔ ایں دوران بلوچستان حکومت دے اکبر بگٹی نال اختلافات بہت ودھ ڳئے۔

تصانیف

• تاریخ بلوچستان
• کوچ و بلوچ
• گرند (شاعری)
• بلوچستان دے سرحدی چھاپہ مار (ترجمہ)
• گل بانگ (1951/بلوچی شاعری)

نمونہ کلام

؎من شبیہہ این جوان ہائے شجاعی ہستم

کہ در کمین گاہ دشمنان گرفتار شدہ اند

آپ دے فارسی دے حوالے نال 30 دے قریب نظماں تے غزلاں ہن تے "جنگ نامہ مشہد" آپ دی عمدہ تصانیف وچوں ہک ہے جیندے وچ آپ نے احمد شاہ ابدالی دے آکھݨ تے مشہد تے حملہ کیتا تے ایںکوں فتح کیتا۔