میر علی نواز خان ناز
اعلیٰ حضرت ہزہائینس میر علی نواز خان بہادر ناز فرما نروائے دولت خدا داد ریاست خیر پور میرس سندھ ‘ سرائیکی زبان دے منے ہوئے شاعر ہن۔ آپ اپݨے والد میر امام بخش دی وفات دے بعد تخت تے ٻیٹھے۔ آپ دی تعلیم و تربیت انتہائی اعلیٰ پیمانے تے تھئی۔ پہلے آپ چیفس کالج لاہور وچ داخلہ گھدا اوندے بعد مزید تعلیم دے حصول واسطے ولایت بھیڄاڳیا۔ او ہک روشن خیال تے ترقی پسند حکمران ہن۔ چنانچہ انھاں دا عہدِ حکومت خیر پور ریاست وچ ترقی دا سبب بݨیا۔ میر علی نواز دے عہد وچ اصلاحات کیتیاں ڳیاں ۔کئی نویاں نہراں کھٹیاں ڳیاں ۔
میر صاحب اردو ‘ فارسی تے انگریزی دی ٻہوں لیاقت رکھدے ہن۔ آپ مسلم ایجوکیشن کراچی وچ یادگار خطبہ ݙتا۔ اینویں 1909ء اِچ علی ڳڑھ دے ٹرسٹیاں کوں جیڑھا سپاس نامہ پیش کیتا اونکوں اہلِ علم بے حد پسند کیتا۔(82)میر علی نواز خان ناز 1884ء وچ ڄمیئے تے 1935ء وچ فوت تھئے۔ آپ سندھی ‘ اردو تے سرائیکی زبان دے شاعر ہن۔ آپ دے سرائیکی کلام دا مجموعہ گلدستہ ناز دے ناں نال 1933ء وچ مطبع منشی نولکشور لکھنؤ توں شائع تھیا۔
کافی
[لکھو | ماخذ وچ تبدیلی کرو]دل وچ درداں دیرا لایا
کتھے ول دلبر وسداوے
سانگ تساݙے سانگ بݨایا
تیں تائیں نہ میں رسدا وے
مہر محبت نظر کر ھاوے
جگ ہُݨ سارا ہسدا وے
جنھاں دی خاطر خواری چاتی
ایہو دل کیویں رَسدا وے
انکھیاں رو رو نیر وہاوݨ
مینہ ساوݨ دا وسدا وے
قتل کرا کے کھلڑی لھوائی
ݙیکھ عاشق اینویں کُّسدا وے
ناز کوں ݙیکھ اوارہ پھردا
دلبر دلڑی کھسدا وے
ایں دور وچ سندھ دے تقریباً تمام چھوٹے وݙے شاعراں سندھی دے نال نال سرائیکی زبان وچ وی شاعری کیتی۔ انھاں وچوں کجھ ٻئے شعرا اے ہن۔
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان