میر عبدالحسین سانگی

امیر ابن امیر شاعر ابن شاعر میر عبدالحسین سانگی ‘ میر عباس علی خان دے فرزند ہن۔ آپ دا حیدر آباد دے شاہی خاندان نال تعلق ہے۔ آپ دی پیدائش آپ دے والد دی جلاوطنی دے دوران 1851ء وچ کلکتہ وچ تھئی۔ آپ 1863ء وچ سندھ واپس آئے۔ شعر و ادب دی ہر درجہ سرپرستی کریندے ہن۔ آپ سندھی ‘ اردو ‘ فارسی تے سرائیکی وچ شعر آہدے ہن۔ آپ دی وفات حیدر آباد وچ 1914ء وچ تھئی۔

نمونہ کلام۔ ݙوہڑہ

ویندے سانوݨ کون جھلیسی طلب‘ ہئیم تکرار وو

موج دریا دی ویکھ نہ مڑساں ویساں تر تر پار وو

رم جھم بونداں بادل نیناں محبت دا وسکار وو

ساݙے کارݨ رانجھݨ سانگی قرب کیتا دھنوار وو

حوالہ

کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان