میر عارف

میر عارف کشمیر اتے بلتستان دے پہلے مبلغین اسلام وچوں ہن۔ آپ ایران دے صفوی خاندان نال تعلق رکھدے ہن اتے شاہ اسمائیل صفوی دے پوہتریاں وچوں ہن پر زندگی ایندے برعکس گزاری۔ آپ تبلیغ کیتے اپݨے آبائی علاقے کوں چھوڑ تے کشمیر پہنچ ڳئے جِتھاں چک خاندان دی حکومت ہئی۔ اُتھاں انہاں کافی عزت کیتی ڳئی، کُجھ عرصہ اُتھاں رہوݨ دے بعد بلتستان تشریف ڳھن ڳئے۔ بلتی بادشاہ علی شیر خان انچن نے استقبال کیتا۔ انہاں نال انہاں دےبھرا میر ابو سعید وی ہن جنہاں نے کریس وچ سکونت اختیار کیتی۔ مولانا آزاد لکھدن جو 997ء وچ جݙاں اکبر اعظم کشمیر آیا تاں اوں نے علی شیر خان دے کول اپݨا ایلچی بھیڄیا جو میر موصوف کوں واپس بھیڄ ݙیوے۔ جݙاں آپ بلتستان توں نکلے تاں رستے وچ بادشاہ نال ملاقات تھی ڳئی۔ ہک واری بادشاہ نے آکھیا "شاہ! یا تاں اساں جہیں تھی ونڄو یا اساں کوں اپݨے جہیں کر ڳھنو"۔ جواب ݙتا "اساں تہاݙے جہیں کیویں تھی سڳدے ہیں، تساں چاہو تاں آؤ، ساݙے کول ٻہو اتے ساݙے جہیں تھی ونڄو"۔ آکھیا ویندے جو اوں ویلے دے راجہ نے انہاں دے پورے خپلو دی سیر کروائی جݙاں "ڈانڈالا" ناں دے پہاڑ تے پُڄے تاں راجہ نے انہاں توں پُچھیا تہاکوں جیہڑا علاقہ پسند آندے میں اُوکوں تہاکوں ہبہ کرݨ کیتے تیار ہاں۔ اوں ویلے میر عارف نے علاقہ تھغس کوں پسند فرمایا۔ آپ نے اُتھائیں سکونت اختیار کیتی اتے ہک خانقاہ دی تعمیر کیتی اتے 1061ھ وچ وفات پاتی۔