میر بالاچ مری

بلوچستان دے سابق رکن اسمبلی، قوم پرست رہنما تے کالعدم تنظیم بلوچ لبریشن آرمی دے سرگرم رکن۔

ابتدائی زندگی

کوئٹہ وچ 17 جنوری 1965ء کو ڄمݨ آلے اینہہ مری سپوت نے کوئٹہ دے گرامر سکول وچ ابتدائی تعلیم دے بعد روس دے ماسکو توں سول انجینئری دی ڈگری حاصل کیتی تے ولا کئی سال لندن وچ رہے۔

سیاست

انہاں دا تعلق ہک سردار سیاسی خاندان نال رہیا۔ انہاں دے پیو نواب خیر بخش مری یا "گوںگا بابا" ساری حیاتی اپݨے قوم پرست تے سوشلسٹ نظریات تے ڈٹے رہے۔ سن 2000 وچ جنرل مشرف دے زیر سایہ تھیوݨ آلے انتخابات وچ لندن توں ہی کاغذات نامزدگی جمع کروائے تے صوبائی الیکشن وچ منتخب تھیوݨ دے بعد حلف ڳھنݨ کیتے کوئٹہ واپس آئے۔ اسمبلی وچ حلف ڳھنݨ دے ویلے پاکستان توں وفاداری دی بجائے بلوچستان توں وفاداری دا نعرہ لایا تاں ایوان وچ ہلچل مچ ڳئی۔ حلف ڳھنݨ دے بعد انہاں کوں حکومتی حلقےآں توں قاف لیگ وچ شامل تھیوݨ تے وزارتیں دی پیشکش وی کیتی ڳئی، پر انہاں نے انکار کر ݙتا جیندے بعد انہیں دے خلاف پراݨے مقدمات کوں تازہ کرݨ دی کوشش کیتی ڳئی تے اوہ زیر زمین چلیے ڳئے۔

نواب اکبر بگٹی

اگست 2006ء وچ مری علاقے وچ نواب اکبر بگٹی دی ہلاکت دے ویلے وی بالاچ مری انہاں دے نال ہی ہن۔ انہاں دے بھرا گزن دے مطابق نواب بگٹی دے خلاف پاکستانی فوج دے آپریشن توں پندرہ منٹ پہلے نواب صاحب نے انہاں کوں تے اپݨے پوہترے براہمداغ بگٹی کوں اتھوں ونڄݨ کیتے آکھیا پر انہاں نے اپݨے مہمان کوں چھوڑ ونڄݨ توں انکار کر ݙتا جیندے تے نواب بگٹی نے زبردستی انہاں کوں اتھوں ٻھیڄ ݙتا۔

ہلاکت

بالاچ مری پچھلے کئی سالیں توں قبائلی معاملات دے نال نال بلوچ مزاحمتی تحریک دے اہم رہنماویں وچوں ہن تے حکومت پاکستان کیتے مطلوب وی رہے۔ بالاچ مری پاک افغان سرحد دے نیڑے بلوچستان دے علاقہ نوشکی دے نیڑے سر لچ دے مقام تے سیکیورٹی فورسز دے نال جھڑپ وچ ہلاک تھئے۔ سرکاری طور تے اینہہ واقعے بارے لاعلمی دا اظہار کیتا ڳیا، پر انہاں دے گھر آلیاں نے ایندی تصدیق کیتی۔ فوجی ذرائع دے مطابق بالاچ دی موت ݙو قبائلی دھڑاں دے باہمی دشمنی دا نتیجہ ہو سڳدی ہے۔