میری سی کول

میری سی کول
معلومات شخصیت
پیدائش	سنہ 1805ء   کنگسٹن
وفات	14 مئی 1881ء (75–76 سال)  لندن
شہریت	متحدہ مملکت برطانیہ عظمی و آئر لینڈ
نسل	امریکی افریقی
عملی زندگی
پیشہ	نرس ،  آپ بیتی نگار ،  مصنفہ
پیشہ ورانہ زبان	انگریزی
شعبۂ عمل	نرس

میری سی کول

میری سی کول (انگریزی: Mary Jane Seacole) جمیکا دی ہک مشہور تاجرہ ہَئی۔ اُوں كريميائی جنگ دے دوران ہک برطانوی ہوٹل قائم کِیتا۔ سی کول نے ہوٹل کوں بیان کریندے ہوئے آکھیا ہَئی کہ اِتّھاں جنگ دے میدان وچ زخمی فوجیں کِیتے مدد فراہم کیتی ویسی۔ 1991ء وچ بعد از مرگ انّھاں کوں جمیکا دے میرٹ دے اعزاز نال نوازیا گیا۔

جڑی بوٹیں دا علم انّھاں نے کیریبین توں حاصل کِیتا ہَئی۔ كريمیائی جنگ دے دوران مدد کِیتے انّھاں نے درخواست کیتی پر اُونْدا ردّ کر ݙِتّا گیا ہَئی۔ بعد وچ او آزادانہ طور تے سفر کر تے آپݨاں ہوٹل قائم کرݨ دے بعد جنگ وچ زخمی تھیوݨ والے فوجیں دی مدد کرݨ لڳّی۔ او رضاکار دے طور تے بے انتہائی مقبول تھی ڳئی۔ موت دے بعد کافی وقت تک انّھاں کوں بُھلّا ݙِتّا گیا ہَئی پر ہُݨ انّھاں کوں ایں شخصیت دی طرح یاد کِیتا ویندے جیڑھی نے نسلی تعصب دا کامیابی نال مقابلہ کِیتا۔

انّھاں دی لکھت سوانح حیات "مسز سی کول دی ہمہ قومی حیرت انگیز مہمات" (Wonderful Adventures of Mrs. Seacole in Many Lands) (1857ء) ابتدائی دور دی مشترکہ نسلاں دی خود نوشت سوانحاں وچوں ہک ہَئی۔ حالانکہ سوانح دے کُجھ واقعات موضوع نزاع بݨے ہوئے ہِن کیوں جو کُجھ لوکاں دا دعویٰ ہَئی کہ کامیابی دے کُجھ دعوے سیاسی طور تے مبنی تے حقیقت توں بعید ہِن۔

ابتدائی زندگی

سی کول دی پیدائش کِنگسٹن، جمیکا وچ میری جین گرانٹ دے طور تے تھئی ہَئی۔ انّھاں دے پیو، جیمز گرانٹ ہک سکاٹش برطانوی فوج وچ لیفٹیننٹ ہَن تے ماں ہک ڈاکٹریس ہَئی، جیڑھی روایتی کیریبین تے افریقی جڑی بوٹیں نال علاج دا استعمال کریندی ہَئی تے انّھاں دی ماں ہوٹل بلنڈ یل ہال چلیندی ہَئی جیڑھا ہک بورڈنگ ہاؤس ہَئی۔ ایہ اوں وقت دے سب توں بہترین ہوٹلاں وچوں ہک سمجھا ویندا ہَئی۔ ایہیں تے سی کول نے آپݨی نرسنگ دی مہارت حاصل کِیتی۔ سی کول دی سوانح عمری دے مطابق انّھاں نے طب دا استعمال آپݨی ماں توں سِکھیا۔ انّھاں دی ماں نے انّھاں دی بہت مدد کِیتی۔ سی کول کوں آپݨے ݙُون٘ہاں جہانیں جمیکا تے اسکاٹ لینڈ تے بہت فخر ہَئی تے او آپݨے کِیتے ہک لفظ "کریول" (Creole) دا استعمال کریندی ہَئی جیڑھا نسلی غیر جانبداری دے معنیٰ وچ استعمال تھیندا ہَئی۔

آپݨی ماں کول ون٘ڄݨ توں پہلے سی کول نے آپݨی زندگی دے کُجھ سال ہک بزرگ زنانی دے نال گُزارے جیڑھا او آپݨی محسنہ آکھیندی ہَئی تے اُتّھ انّھاں دے نال خاندان دے ارکان جیہاں سلوک تھیندا ہَئی۔ اُتّھ انّھاں نے چَنڳّی تعلیم حاصل کِیتی۔ اسکاٹ لینڈ دے ہک افسر تے ہک قابل احترام پیشہ ورانہ تعلیم یافتہ دی دِھی ہووݨ دے طور تے انّھاں نے جمیکا دے معاشرے وچ ہک اعلیٰ حیثیت رکھدی ہَئی۔