میردریا خان کھوسہ

میردریا خان کھوسہ پاکستانی سیاست دان ہن۔ملک پاکستان تے جیکب آباد سندھ دی مشہور سیاسی شخصیت ہن۔ آپ دا تعلق بلوچ قوم دے کھوسہ قبیلے نال ہے۔ آپ دے پیو دا نام میر میرحسن خان تے ݙاݙے دا ناں میر بہادر خان کھوسہ ہئی۔ 1857 دے جنگ آزادی دے مجاہد میردلمراد خان کھوسہ (اول) میرصاحب دے پرݙاݙا ہن۔ مرحوم میرسکندر خان کھوسہ تے خان صاحب میرشاہل خان کھوسہ تے خان بہادر میر دل مراد خان کھوسہ (دوم)، میرصاحب مرحوم دے چچا ہن۔ میرمیرحسن خان مرحوم، میرشفیق صاحب، میرفداحسین خان، میرطارق حسین، میرخالدحسین تے میر انیس الرحمان خان کھوسہ میرصاحب دے فرزند ہن۔ میرصاحب مرحوم 1962 توں 1977 تک قومی اسمبلی دے رکن رہے۔ آپ انتہائی شریف النفس، باوقار تے معزز انسان ہن۔ میرصاحب، 4 نومبر 2006 کوں کراچی وچ دنیا فانی توں انتقال کر ڳئے۔ انہاں کوں انہاں دے آبائی دیہات "دین پور" تعلقہ ٹھل ضلع جیکب آباد وچ سپرد خاک کیتا ڳیا۔