میاں محمد ثاقب خورشید

میاں محمد ثاقب خورشید
معلومات شخصیت
پیدائش	26 اکتوبر 1962ء (63 سال)
جماعت	پاکستان مسلم لیگ (ن)
مناصب
رکن پنجاب صوبائی اسمبلی
رکن سنہ 15 اگست 2018
حلقہ انتخاب	پی پی-234
پارلیمانی مدت	17 ویں صوبائی اسمبلی پنجاب
عملی زندگی
پیشہ	سیاست دان

میاں محمد ثاقب خورشید ہک پاکستانی سیاست دان ہن، جیہرے 1993 توں 1999 تک تے ولا مئی 2013 توں مئی 2018 تے اگست 2018 توں جنوری 2023 تک پنجاب دی صوبائی اسمبلی دے رکن رہے۔

ابتدائی حیاتی تےتعلیم

میاں محمد ثاقب خورشید 26 اکتوبر 1962 کوں پیدا تھئے۔ انہاں نے تاریخ تے پاکستان اسٹڈیز وچ ماسٹر آف آرٹس دی ڈگری 1986 وچ اسلامیہ یونیورسٹی کنوں حاصل کیتی۔ انہاں نے 1987 وچ بین الاقوامی اسلامی یونیورسٹی، اسلام آباد کنوں اسلامک اسٹڈیز دا ڈپلوما حاصل کیتا۔

سیاسی کیریئر

میاں محمد ثاقب خورشید 1993 دے پاکستانی عام انتخابات وچ حلقہ پی پی 195 (وہاڑی-IV) کنوں پاکستان مسلم لیگ (ن) دے امیدوار دے طور تے پنجاب دی صوبائی اسمبلی کیتے منتخب تھئے۔ انہاں نے 31,413 ووٹ حاصل کیتے تے پاکستان اسلامک فرنٹ دے امیدوار نذر محمد دوگل کوں شکست ݙتی۔ اوہ 1997 دے پاکستانی عام انتخابات وچ حلقہ پی پی 195 (وہاڑی-IV) کنوں مسلم لیگ (ن) دے امیدوار دے طور تے پنجاب دی صوبائی اسمبلی کیتے ولا منتخب تھئے۔ انہاں نے 27,958 ووٹ حاصل کیتے تے آزاد امیدوار رانا طاہر محمود کوں شکست ݙتی۔ اوہ 2013 دے پاکستانی عام انتخابات وچ حلقہ پی پی-236 (وہاڑی-V) کنوں مسلم لیگ ن دے امیدوار دے طور تے پنجاب دی صوبائی اسمبلی کیتے منتخب تھئے ہن۔ انہاں نے 44,694 ووٹ حاصل کیتے تے آزاد امیدوار رانا طاہر محمود خان کوں شکست ݙتی۔ اوہ 2018 دے پاکستانی عام انتخابات وچ حلقہ پی پی-234 (وہاڑی-VI) کنوں مسلم لیگ (ن) دے امیدوار دے طور تے پنجاب دی صوبائی اسمبلی کیتے ولا منتخب تھئے۔