میاں محمد بخش
گامݨ کروڑوی‘ سید امیر حیدر میرݨ دے علاوہ ݙوہڑے دے مشہور شاعر میاں محمد بخش نے وی ہک قصہ کالی ڳوری لکھے ۔ اے قصہ مختصر ہے لیکن ایندی زبان کافی سلجھی ہوئی معیاری تے قدرے سنجیدہ ہے ۔ کجھ شعر ݙیکھو:
کون وے سمجھاوے ساکوں سخن سُݨایو کالی
چاندنی رات سوہانری دے وچ کالی رات اندھاری
اساں کنوں شرمندہ سونا توں لوہا کیا لڳے
سیر صابن دا لڳے کالو مول نہ تھیندے بڳے
تریجھا سخن الایو ڳوری نہ ہا لائق اصیلاں
رنگ متاں تیݙا پھپھڑ وانگوں گݙا ساوا پیلا
رتی رت نہ مونہہ تیݙے تے توڑیں کریں حیلا
ماݨ کریں غماز اَڄایا توݨیں ٻدھیں ٻیڑا
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان