میانوالی دا ہک منفرد الا

میانوالی دا ہک منفرد ۔۔ الا ۔۔

میانوالی دے ادبی ۔ صحافتی ۔ اور سماجی حلقاں دے نال میڈا تعلق 20 ۔ 25 سالاں توں آندا پیئے یاراں دے یار ہن تے دشمڑاں دے دشمنڑ ۔۔ زرخیز دھرتی میانوالی دے لوکا ں نے ہر شعبے دے وچ اپڑاں ہک ناں پیدا کیتے ۔۔

بالخصوص سرائیکی ادب دے حوالے نال ظہیر احمد مہاروی میانوالی دے آسمان ادب تے پوری طرح چمکدا کھڑے ۔ کئی مشاعراں تے اوکوں سنڑانڑ دا موقع ملئے کمال شعر آہدن ۔ انہاں توں پہلے میانوالی دے شعراء گیت نگاری تے زیادہ توجہ ڈتی رہن اور انہاں گلوکاراں دی آواز اچ اپڑیں گیت لوکاں تک پہنچا کے شہرت حاصل کیتی ہے ۔ بعض شعراء نے ملکی سطح تک شہرت حاصل کیتی ۔ مگر ظہیر احمد نے گیت نگاری تو ہٹ کے شاعری دی ہک مقبول تے مشکل ۔ صنف ۔ غزل دا انتخاب کر کے اس تے پورا اترنڑ کوشش کیتی ہے جیندے وچ او بلاشبہ کامیاب نظردن ۔

میکوں ظہیر آحمد دی تریجھی تے نویں نکور کتاب ۔۔ آلا ۔۔ڈیکھنڑ تے پڑھ انڑ دا موقع ملے بلاشبہ ظہیر دی شاعری ہر حوالے اپڑیں میعار تے پوری اتردی ہے ۔ ظہیر دی شاعری دے وچ سرائیکی علاقےدے ہر وسبے دا رنگ نظر ایائے ۔ سرائیکی وسیب دی ہر خوبصورت روایت نظر آئی ۔ انہاں نے سرائیکی غزل نوں ہک نواں رنگ تے خوشگوار ذائقہ ڈٹےاے۔ظہیر احمد نے میانوالی دے ادب اچ ہک نواں رستہ اختیار کیتے اور اس رستے تے چل کے ظہیر احمد نے جیہڑا آلا وی مارے اوندے ۔۔ آلا ۔۔ کوں لوکاں سنڑاے کیوں کہ اے میانوالی دا ہک منفرد ۔۔ آلا ۔۔ ہے۔۔۔۔۔۔۔۔۔۔۔شاہنواز ارشد