مہوڈنڈ جھیل

مہوڈنڈ جھیل

مہوڈنڈ جھیل ، جینکوں مقامی زبان اچ "مچھلیاں دی جھیل" وی آکھیا ویندے ، خیبر پختونخواہ دے ضلع سوات اچ ، کالام توں تقریباً 40 کلومیٹر (25 میل) دے فاصلے تے ، تاگھی وادی اوشو اچ واقع ہک خوبصورت جھیل ہے ۔ ایہ جھیل دور دراز علاقہ ہووݨ دی وجہ توں حالی ٻہوں گھٹ لوکاں دی نظر اچ آئی ہے ، پر ایندی خوبصورتی تے سکون لاجواب ہے ۔

وادی اوشو ، ضلع سوات دی ہک خوبصورت تے سرسبز وادی ہے ۔ ایہ وادی اپݨے بلند پہاڑاں ، سرسبز چرانداں ، صاف پاݨی دے چشمیاں ، جھیلاں تے دلکش مناظر دی وجہ توں مشہور ہے ۔ اتھوں دا موسم عموماً ٹھڈھا راہندے ۔

مہوڈنڈ جھیل ، تاگھی وادی اوشو اچ واقع ہے ۔ ایہ جھیل سطح سمندر توں کافی بلندی تے واقع ہووݨ دی وجہ توں اتھوں دا موسم عموماً ٹھڈھا راہندے ۔ جھیل دے چاروں پاسے بلند پہاڑ تے برف نال ڈھکے ہوئے سلسلے ہن ۔ جھیل دا پاݨی صاف تے نیلگوں ہوندے ۔

مہوڈنڈ جھیل تک پہنچݨ کیتے کالام توں چار وہیل ڈرائیو گاڑی تے ونڄݨا پوندے ۔ رستہ کجھ کچا تے دشوار گزار ہے ، پر جھیل دی خوبصورتی ساری تھکاوٹ مکا ݙیندی ہے ۔

مہوڈنڈ جھیل اپݨے سݨہپ دی وجہ توں سیاحاں کوں ٻہوں پسند ہے ۔ جھیل دا صاف پاݨی ، نیلگوں رنگ تے چاروں پاسے دے برف پوش پہاڑاں دا عکس ہک عجیب تے دلکش منظر پیش کریندے ۔ سویر تے شام دے وقت جݙاں سجھ دی روشنی پہاڑاں تے پوندی ہے تاں منظر ٻہوں ہی سہانا لڳدے ۔

اینکوں مچھیاں دی جھیل وی آکھیا ویندے ، شئیت ایں واسطے جو ایں جھیل وچ مچھیاں دی افراند ہے ۔

مہوڈنڈ جھیل دی وجہ توں تل وطنی لوکاں دی زندگی تے وی کجھ اثر پیا ہے ۔ جتنے وی پھرندڑ آندے ہن انہاں دی وجہ توں اتھوں دے لوکاں کیتے روزگار دے موقعے پیدا تھئے ہن ۔