مہر عبد الحق سومرہ

مہر عبد الحق سومرہ
معلومات شخصیت
پیدائش	1 جون 1915ء   ضلع لیہ ،  برطانوی پنجاب
وفات	23 فروری 1995ء (80 سال)  ملتان ،  پاکستان
شہریت	پاکستان
عملی زندگی
مادر علمی	اورینٹل کالج لاہور
تعلیمی اسناد	پی ایچ ڈی
ڈاکٹری مشیر	سید محمد عبداللہ
پیشہ	ماہرِ لسانیات ،  مورخ ،  ادبی نقاد ،  مترجم
پیشہ ورانہ زبان	سرائیکی ،  انگریزی ،  اردو
باب ادب

ڈاکٹر مہر عبدالحق سومرہ (ڄَمّݨ دی تاریخ: یکم جون، 1915ء – جھوک لݙاوݨ دی تاریخ: 23 فروری، 1995ء) پاکستان نال تعلق رکّھݨ آلے سرائیکی اَتے اردو دے مہان٘درے محقق، ماہر لسانیات، نقاد اَتے مترجم ہَن جہڑے آپݨیاں کتاباں ملتانی زبان اور اس کا اردو سے تعلق اَتے قرآن پاک کا سرائیکی ترجمہ دی وجہ نال مشہور اَتے معروف ہِن۔ اِین٘دے کنوں اَن٘ج انّھاں دی مشہور تصنیف ہندو صنمیات ہِے۔ اِیہ کتاب اردو زبان وِچ ہندومت دے دیوتاؤاں دے تفصیلی تعارف اُتے مشتمل ہِے۔

حیاتی دا احوال

ڈاکٹر مہر عبدالحق سومرہ یَکّم جون، 1915ء کوں لیہ، پنجاب، برطانوی ہندوستان وِچ ڄَمّے ہَن۔ ڈاکٹر مہر عبدالحق نے ایف اے ایس ای کالج بہالپور، بی اے ایمرسن کالج ملتان اَتے 1950ء وِچ ایم اے اردو دیاں سنداں گِھدّیاں۔ 1957ء وِچ پنجاب یونیورسٹی اورئنٹل کالج لاہور کنوں ڈاکٹر سید محمد عبداللہ دی اڳواݨی وِچ "مُلتانی زبان اور اُس کا اُردو سے تعلق" دے ناں نال مقالہ لکھ کے پی ایچ ڈی دی سند حاصل کِیتی۔

ادبی پورھیا

تصنیفاں:

• سرائیکی لوک گیت
• ملتانی زبان اور اُس کا اُردو سے تعلق
• کونین دا والی
• سرائیکی زبان دے قاعدہ قانون
• لغات فریدی
• سرائیکی دیاں مزید لسانی تحقیقاں
• فرد فرید

ٻولی وٹارے:

• جاوید نامہ اقبال
• رباعیاتِ عُمر خیام
• کلامِ خواجہ فرید
• قصیدہ بُردہ شریف
• اَتے ساریاں کنوں وَدھ کے قُرآن پاک دا سرائیکی ترجمہ شامل ہِے۔ (ایں ترجمے اُتے 1981ء وِچ حکومتِ پاکستان نے اِنّھاں کوں خصوصی اعزازل نال نوازیا ہَئی۔

اعزازات

1. حکومتِ پاکستان نے 14 اگست 1994ء وِچ ڈاکٹر مہر عبدالحق سومرہ کوں اِنّھاں دی ادبی خدماتاں دے اعتراف دے طور تے صدارتی اعزاز برائے حُسن کارکردگی عطا کِیتا۔
2. 1969ء وِچ اِنّھاں کوں داؤد ادبی انعام ݙتّا ڳِیا۔
3. 1987ء وِچ اکادمی ادبیات پاکستان نے خواجہ فرید ایوارڈ نال نوازیا ہَئی۔

تصنیفاں

1. قرآن پاک کا سرائیکی ترجمہ
2. سرائیکی لوک گیت(1964ء)
3. ملتانی زبان اور اس کا اردو سے تعلق (1967ء)
4. کونین دا والی
5. سرائیکی زبان دے قاعدے قانون
6. لغات فریدی (1984ء)
7. سرائیکی دیاں مزید لسانی تحقیقاں
8. فرد فرید
9. تھل
10. جاوید نامہ اقبال (ترجمہ)
11. رباعیات عمر خیام (ترجمہ)
12. کلام خواجہ فرید (ترجمہ)
13. قصیدہ بردہ شریف (ترجمہ)
14. (بہ زبان انگریزی) The Sumra
15. ہندو صنمیات

وفات

ڈاکٹر مہر عبدالحق سومرہ 23 فروری، 1995ء کوں ملتان، پاکستان وِچ جھوک لݙا ڳئے۔