مہر خان دھریجہ

مہر خان دھریجہ سینئر وکیل ہن ، وکلاء برادری ءِچ اُنہاندا ہک ناں  ہے ، اصل تعلق پلو شاہ نال ہے پر نکے لا اساݙی وستی دھریجہ نگر رہندے ہن ۔ سہجے سکول پڑھدے ہن ۔ زمیندار گھر دے بندے ہن ، ساوے سوکھے ہن تے رَج سوہݨے ہن ، ہوں  ایلے دی یاری اَڄ تئیں قائم ءِتوݨیں  جو او تے میں  ݙوہترے پوترے آلے تھی ڳیوں ۔ مہر خان ہُݨ تاں  مولوی بݨ ڳے ، اوں  ویلے نٹیں  دے تماشے کٹھے ݙیکھدے ہاسے ، ڳاوݨ کٹھے سُݨدے ہاسے ، تے کھیݙاں  کٹھے کھیݙدے ہاسے ۔ نویں موٹر سائیکل مہر خان گھدی ، مہر خان دے ماماں  تے میݙے اُستاد موٹر سائیکل چلایا ، موٹر سائیکل نہ سنبھلی ، ٻانہہ ݙو جاہوں  تُرٹ ڳی۔

حوالہ

کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان