مہر ارشاد سیال دی اسمبلی وچ تقریر
پاکستان پیپلز پارٹی دے ایم این اے مہر ارشاد سیال نے قومی اسمبلی اچ سرائیکی صوبے بارے جیرھی تقریر کیتی اے اساں اوندا خیر مقدم کریندے ھئیں تیں نال ایم این اے صاحب دی بارگاہ اچ اے وی گزارش کریندے ھئیں جو ساکوں ایم این اے صاحب اے ضرور ڈسن جو اے جیرھی ایوان اچ تقریر کیتینیں اے انہیں دی ذاتی اپڑیں رائے ھے یا پارٹی پالیسی دے تحت دی تقریرے اگر ھے پارٹی پالیسی تیں وت اساں اے ضرور پچھسوں کیا پارٹی دے منشور اچ اے جغرافیہ تیں شناخت کوں شامل کر ڈتا گئےول ساکوں جنوبی پنجاب نہ اکھسن اگر اے گال شامل کئینی تیں ول اسمبلی اچ ایں تقریر دا فایدہ جناب کنوں پہلے وی کئی ارکان اے اسمبلی نے ایہے جیہاں تقریراں کرکے ساڈے کولھو کوڑ تیں ووٹ گھن گئین مہر صاحب میڈے خیال اچ گال تقریریں کنوں اگو تیں ٹپ گئی اے تقریر کنوں بہتر اے تساں اپڑاں موئقف اپڑیں پارٹی دی سنٹرل کمیٹی اچ گھن ونجو پارٹی دی اے لیول کنوں اے گال منواو انہیں کوں ڈسو سرائیکستان دے بغیر بیا کوئی چارہ کئینی انہیں کوں ڈسو جوہنڑ سرائیکی سوائے سرائیکستان دے بیا کہیں لالی پاپ تیں راضی نئیں تھیندے پیپلزپارٹی حالات کوں ڈیکھ تیں فیصلے کرے۔۔۔۔محمد اکبر خاں ملکانڑیں پاکستان عوامی سرائیکی پارٹی