مہتاج
_____نظم _____اورنگ زیب اورنگؔ بغلاݨی
وقت دے نال گھلیندے ویندوں
ویلا وقت مہتاج نئیں بنڑدا
اوکھا وقت ہے کئی نئیں کہیں دا
کلھے سر گھلیندے پئے ہیں
جیویں اوکھے تھیندے پئے ہیں
کئی اج کہیں دے نال نئیں کھرڈا
کہیں دی خاطر کئی نیں مردا
مطلب تیئں ہے دنیا ساری
اپنڑے نال نہ آپ وگاڑیں
رب دیاں درھویاں ڈیندے اورنگ
شالا جگ جگ جیوو
کہیں دی خاطر جیونڑ سکھو-
زندگی چار ڈنہیہ دا میلہ
ویلا وقت مہتاج نئیں بنڑدا