مہتاب اکبر راشدی

مہتاب اکبر راشدی
معلومات شخصیت
پیدائش	3 مارچ 1947 نوڈیرو، سندھ، برطانوی ہند
شہریت	برطانی ہند پاکستان
عملی حیاتی
پیشہ	اداکارہ، میزبان، سیاست دان، سپیکر
	IMDB اُتےصفحہ

مہتاب اکبر راشدی (اردو: مہتاب اکبر راشدی، کنوں) ہِک پاکستانی معروف ٹی وی میزبان، سابق سیکرٹری تعلیم اَتے اطلاعات، سرکاری افسر اَتے مسلم لیگ فنکشنل (پیر پگاڑا گروپ) دی رکن سندھ اسمبلی ہَن۔ مہتاب اکبر راشدی 3 مارچ 1947ء کوں پاکستان دے صوبہ سندھ دے علاقے نو ڈیرو ضلع لاڑکانہ وِچ ڄَمّی ہَن۔

تعلیم

مہتاب اکبر راشدی نے سندھ یونیورسٹی کنوں تعلیم دے مضمون وِچ گریجویشن کِیتی اَتے سندھ یونیورسٹی، پاکستان کنوں علمِ سیاسیات وِچ ماسٹر دی ڈگری گِھدّی۔

ٻئی اعلیٰ تعلیم کِیتے امریکہ دا پندھ کِیتا، امریکہ وِچ بوسٹن شہر دی شہرہ آفاق یونیورسٹی میسا چوسٹس یونیورسٹی امریکہ کنوں علمِ سیاسیات دے مضمون وِچ ایم اے دی سند گِھدّی۔

شادی

1981ء وِچ ہِک بیوروکریٹ اکبر راشدی نال شادی کر گِھدّی۔ بعد وِچ آپ وی بیوروکریٹ بݨ ڳئی اَتے اطلاعات، تعلیم، ثقافت سمیت کئی شعبیاں وِچ کَم کِیتا۔

کَم کار آلی حیاتی

مہتاب اکبر راشدی نے اداکارہ دی حیثیت نال کَم دا اَغاز کِیتا اَتے ڈھیر ڈرامیاں وِچ کَم کِیتا۔

ایوارڈز

حکومت پاکستان نے انّھاں کوں 14 اگست 2004ء کوں صدارتی تمغا برائے حسن کارکردگی عطا کیتا ہَئی۔