مہادیوی ورما

مہادیوی ورما
(ہندی میں: महादेवी वर्मा)
معلومات شخصیت
پیدائش	26 مارچ 1907ء   فرخ آباد ضلع
وفات	11 ستمبر 1987ء (80 سال)  الہ آباد
شہریت	برطانوی ہند (–14 اگست 1947) بھارت (26 جنوری 1950–) ڈومنین بھارت (15 اگست 1947–26 جنوری 1950)
عملی زندگی
مادر علمی	الہ آباد یونیورسٹی
پیشہ	شاعرہ ،  مصنفہ ،  نثر نگار
پیشہ ورانہ زبان	ہندی
شعبۂ عمل	شاعری ،  مضمون
اعزازات
پدم وبھوشن برائے ادب اور تعلیم   (1988) گیان پیٹھ انعام   (1982)  پدم بھوشن   (1956)
دستخط
باب ادب

مہادیوی ورما (ہندی: महादेवी वर्मा؛ 26 مارچ 1907ء – 11 ستمبر 1987ء) ہندوستان نال تعلق رکھݨ والی ہندی شاعرہ، مجاہد آزادی تے ماہر تعلیم ہَن۔ اُنّھاں کوں "جدید مِیرا" تصور کِیتا ویندا ہئی۔ اوہ 1914ء–1938ء دی جدید ہندی شاعری دی رومانوی تحریک، "چھایہ واد" دی مرکزی شاعراں وِچوں ہک تے ہندی کوی سمیلن وِچ ممتاز شاعرہ ہَن۔

اوہ الٰہ آباد دے نسوانی کالج، پریاگ مہیلا ودیاپیٹھ دی پرنسپل ہَن تے بعد وِچ وائس چانسلر بݨیاں۔

ابتدائی زندگی تے تعلیم

26 مارچ 1907ء کوں فرخ آباد وِچ مہادیوی ورما دی پیدائش تھئی۔ الٰہ آباد دے کروستھ ویٹ اسکول توں تعلیم حاصل کِیتی۔ اِیں درس گاہ وِچ اُنّھاں دی ملاقات سینئر سبھدرا کماری چوہان نال تھئی، جیڑھی بعد وِچ مہادیوی دی طرحاں خود وی ہندی زبان دی ممتاز لکھاری تے شاعرہ بݨیاں۔

مہادیوی دا اصلاً داخلہ کانوینٹ اسکول وِچ تھیا ہئی پر مزاحمت کرݨ تے اُنّھاں کوں الہ آباد دے کروستھ ویٹ گرلز کالج وِچ ایڈمیشن مِلیا۔ مہادیوی دے مطابق اُنّھاں نے کروستھ ویٹ دے ہاسٹل وِچ اتحاد دی طاقت کوں سمجھیا جِتھاں مختلف مذاہب دیاں طالبات رہندیاں ہَن۔ مہادیوی نے خفیہ طور تے نظماں لکھݨ شروع کِیتیاں؛ پر اُنّھاں دی ہم کمرہ تے سینئر سبھدرا کماری چوہان (اسکول وِچ نظماں لکھݨ کِیتے مشہور ہَن) نے مہادیوی دیاں نظماں ݙٹھیاں تے اُنّھاں دے اندر دا چُھپا ہُنر ظاہر تھیا۔ ہݨ مہادیوی تے سبھدرا نے مل کے نظماں لکھݨ شروع کر ݙِتّیاں۔سانچہ:Quotation"ݙوجھے باہر کھیݙدے ہوندے ہَن جݙݨ جو میں تے سبھدرا درخت تلے بہہ کے اپݨی تخلیقی سوچ دا استعمال کریندے ہاسے۔۔۔اوہ کھڑی بولی استعمال کریندی ہئی، تے ٻہوں جلد میں نے وی کھڑی بولی وِچ لکھݨ شروع کر ݙِتّا۔۔۔ایں طرحاں اساں ہک ݙینہ وِچ ہک یا ݙو نظماں لکھ گِھندے ہاسے۔۔۔"(ترجمہ)

اوہ تے سبھدرا نظماں چھاپݨ کِیتے وی بھیڄدیاں ہَن، جیویں جو ہفتہ وار رسالیاں وِچ تے اوہ کُجھ نظماں کوں شائع کرݨ وِچ کامیاب تھی ویندیاں ہَن۔ ݙوہاں شاعرات کوی سمیلن وِچ وی شریک تھیندیاں ہَن، جِتھاں اُنّھاں دی ملاقات مایہ ناز ہندی شاعراں نال تھیندی ہئی تے اوہ اُنّھاں دیاں نظماں سامعین کوں سݨیندیاں ہَن۔ ایہ ساتھ سبھدرا دے کروستھ ویٹ توں تعلیم مکمل کرݨ تک رہیا۔

اوہ اپݨی بچپن دی سوانح عمری، "میرے بچپن کے دن" وِچ لکھدیاں ہِن جو اوہ ٻہوں خوش قسمت ہِن جو اُنّھاں دی پیدائش آزاد خیال خاندان وِچ تھئی ورنہ اِیں ویلے لڑکیاں خاندان وِچ بوجھ سمجھیاں ویندیاں ہَن۔ اُنّھاں دے دادا اُنّھاں کوں عالمہ بݨاوݨ چاہندے ہَن تے خواہش کِیتی ہئی جو رسم دے مطابق نو سال دی عمر وِچ بیاہ تھی ونڄے۔اُنّھاں دی والدہ سنسکرت تے ہندی روانی نال ٻولدیاں ہَن تے ٻہوں مذہبی ہَن۔ مہادیوی اپݨی دلچسپی دا سہرا اپݨی ماں کوں ݙیندیاں ہِن جنہاں توں متاثر تھی کے اُنّھاں نے نظماں لکھیاں تے ادب وِچ دلچسپی گِھدّی۔

1929ء وِچ مہادیوی ورما دی تعلیم مکمل کرݨ دے بعد اُنّھاں دے شوہر ڈاکٹر سورپ ناراین ورما نے اُنّھاں دے نال رہوݨ توں منع کر ݙِتّا کیوں جو اوہ ݙیکھݨ وِچ چنگیاں کائنی ہَن؛ اوہ اُنّھاں کوں منا وی نہ سڳیاں۔اُنّھاں کوں بھکشونی سمجھیا ویندا ہئی مگر ایویں کائنی ہئی۔ تاہم اُنّھاں نے بودھ پالی تے پراکرت نصوص دا مطالعہ کِیتا ہئی کیوں جو اوہ اُنّھاں دی ماسٹر دی ڈگری دے حصے ہَن۔