مٹھے مدنی کین٘ویں رنگ لایا
ایہ ہک جگ مشہور سرائیکی نعت ہے۔
ایہ نعت حافظ رسول بخش مانہ احمداݨی دی ہے۔
صل اللہ سبحان اللہ، صل اللہ سبحان اللہ
صل اللہ سبحان اللہ، صل اللہ سبحان اللہ
مٹھے مدنی کین٘ویں رنگ لایا حلیمہ کولوں پُچھ سڳدیں
ہاسی جھولی کوں آݨ سُوہایا، حلیمہ کولوں پُچھ سڳدیں
صل اللہ سبحان اللہ، صل اللہ سبحان اللہ
صل اللہ سبحان اللہ، صل اللہ سبحان اللہ
ݙاچی حلیمہ والی، ݙاڈھی کمزور ہائی
قدم قدم تے ڈھاندی ایہ جئی بے زور ہائی
ݙاچی دے بھاڳ بھلے مدنی دے قدماں تلے
ݙاچی پئی تیز چلے، کین٘ویں کرم کریم کمایا
حلیمہ کولوں پُچھ سڳدیں
مٹھے مدنی کین٘ویں رنگ لایا
مٹھے مدنی کین٘ویں رنگ لایا
صل اللہ سبحان اللہ صل اللہ سبحان اللہ
صل اللہ سبحان اللہ صل اللہ سبحان اللہ
دائی حلیمہ بی بی ٹر پی ہے مکے دے پاسے
جیندی غریبی اتے خلقت کریندی ہاسے
جھولی لجپال پاتُس، صاحب کمال پاتُس
آمنہ دا لال چاتُس، کین٘ویں کرم کریم کمایا
حلیمہ کولوں پُچھ سڳدیں
صل اللہ سبحان اللہ، صل اللہ سبحان اللہ
صل اللہ سبحان اللہ، صل اللہ سبحان اللہ
پینگھے سما کے دائی، جھولا جھلاوے پئی
سوہݨے محمدﷺ کوں، لوریاں سݨاوے پئی
پکھے جھلیندی پئی ہے، پینگھا ہلیندی پئی ہے
لوریاں سݨیندی پئی ہے
کین٘ویں جھولا نبی دا جھلایا
حلیمہ کولوں پُچھ سڳدیں
صل اللہ سبحان اللہ، صل اللہ سبحان اللہ
صل اللہ سبحان اللہ، صل اللہ سبحان اللہ
پینگھے سما کے دائی، اکھ اُُتاں جو چائی،
چن اسمانی ݙٹھس کھڑا ہا موج لائی،
ڄیݙے اَنگِل پئی ہلے، چن اُوݙاہیں ولّے،
آکھے دائی بلے بلے،
کینویں چن کوں کھݙوݨاں بݨایا، حلیمہ کولوں پُچھ سڳدیں
صل اللہ سبحان اللہ، صل اللہ سبحان اللہ
صل اللہ سبحان اللہ، صل اللہ سبحان اللہ
ٻکریاں چراوݨ جتھاں، اللہ دا نور ڳیا
آمنہ دا پاک جانی، سوہݨا حضور ڳیا
جتھے نبی پئے سُمن، ٻکریاں پئیاں پیر چُمِن
گردِ نبی دے گھمن، پئیاں ݙیون کھیر سوایا
حلیمہ کولوں پُچھ سڳدیں
دائی حلیمہ بی بی ٹر پی ہے مکے دے پاسے
دائی حلیمہ بی بی ٹر پی ہے مکے دے پاسے
صل اللہ سبحان اللہ صل اللہ سبحان اللہ
صل اللہ سبحان اللہ صل اللہ سبحان اللہ
صدقے نبی دے حافظ، اللہ احسان لاوے
ہر بے اولاد مائی دی، جھولی کوں رب وساوے
روندے پئے شاد تھیون، صاحب اولاد تھیون ویہڑے آباد تھیون
کین٘ویں مدنی آ ویہڑا وسایا
حلیمہ کولوں پُچھ سڳدیں
صل اللہ سبحان اللہ، صل اللہ سبحان اللہ
صل اللہ سبحان اللہ، صل اللہ سبحان اللہ”
صل اللہ سبحان اللہ، صل اللہ سبحان اللہ
صل اللہ سبحان اللہ، صل اللہ سبحان اللہ