مُرکھا/گنگوٹی/پِینگھا/ٻَندھڑا
١. مُرکھا سرائیکی علاقہ وِچ نکا ٻال جُوڄندے اُوندےمتعلق دوا رسماں پینگھا جُھولا گنگوٹی مُرکھاوغیرہ دااستعمال تھیندے انہاں دی کجھ تشریح ایں طرح ھے. مُرکھا دراصل اے لوظ مونہہ+راکھادی بدلی ہوئ شکل ہےمٹی گارے داکچی سلھ نُما لیکن سِلھ توں موٹا تے کجھ درگھاہوندے اتے عمومًاایں دوبے اندرہک فٹ دیاں کاٹھیاں پُوریاں یعنی نصب ہوندن اتے ٻال دی سران٘دی نال رکھیا ویندے ایں طرح ٻال دا سِرمضبوط تھیندے اتے ٻال جیلھے نندر کریندے اُتے کپڑا سَٹ ڈیویندے جُوپیریں تک ہُون٘دےٻال بآسانی نندر کریندے. . گن٘گوٹی. گن٘گوٹی کھٹڑےدے ٻان٘ہیں نال گز یاڈڈھ گز کپڑا ٻدھیا ویندےجُوڈُوپان٘د فاصلے نال ٻَدھ ݙِِتا ویندن ایندے اندر وی ٻال نندرصرف کریندے اینکوں جُھولا وی اہدن. . پِینگھا. گن٘گوٹی جھولا کوں بعض اوقات پِینگھا وی اھدن. لیکن دراصل پینگھا تمام لکڑی دا چورس فریم ہون٘دے جیویں کھٹڑاہوندے سٹینڈ ہوندے اُتے تَلے فریم اندر اےپِینگھا فِٹ ہون٘دے جِتھاں ٻال سُمدے . ٻَندھڑا. جِیویں مثال مشہور ہی ٻال ٻدھݨےسُن٘جاپدے چھوٹے ٻال کوں اَٹھ نؤ مہینے دی عمر تئیں کپڑے دا ٹوٹا اُوندے ڄنگھیں کُوں ٻَدھا ویندے ہے اُتے اے کپڑا ولہیٹ تے بَدھ ڈیویندے ایں طرح ٻال دیاں جَن٘گھاں سِدھیاں تےمضبوط تھیندن اے صرف نند دے دوران ٻَدھا ویندے جیلھے ٻال جاگ پون٘دے اے کھول گھندنـ