موہنی حمید

موہنی حمید
معلومات شخصیت
پیدائش	سنہ 1922ء   بٹالا
وفات	16 مئی 2009ء (86–87 سال)  سیاٹل
شہریت	برطانوی ہند مملکت پاکستان پاکستان
اولاد	کنول نصیر
عملی حیاتی
پیشہ	اینکر پرسن ،  نشر کار
نوکریاں	آل انڈیا ریڈیو ،  ریڈیو پاکستان

موہنی حمید (اردو: موہنی حمید، کنوں) جہڑی "آپا شمیم" یا "شمیم آپا" دے ناں نال مشہور ہِن، پاکستانی دی پہلی ریڈیو براڈ کاسٹر، اینکر اَتے اداکارہ ہَئی۔ 14 اگست 1947ء کوں جہڑیلے پاکستان نے اَزادی گِھدّی تاں موہنی پاکستان دی پہلی زنانی براڈ کاسٹر بݨ ڳئی۔ مئی 2009ء وِچ جہڑیلے اُوہ فوت تھی ڳئی تاں ریڈیو پاکستان دے لاہور سٹوڈیو دا ناں بدل کے "موہنی حمید سٹوڈیو" رکھ ݙِتّا ڳِیا۔ اُوہ صحافی کنول نصیر دی امّاں ہَئی۔ شمیم آپا کوں 1965ء اَتے 1998ء وِچ پاکستان دا چوتھا ساریاں کنوں وݙّا شہری ایوارڈ تمغائے امتیاز ݙِتّا ڳِیا۔

ابتدائی حیاتی

موہنی حمید 1922ء وِچ برطانوی ہند دے بٹالہ وِچ ڄَمّی ہَئی۔ انّھاں دا اصل ناں موہنی داس ہَئی اَتے بعد وِچ اُنّھاں نے آپݨاں ناں بدل گِھدّا۔

کَم کار آلی حیاتی

موہنی نے 1939ء وِچ 17 ورھیاں دی عُمر وِچ آل انڈیا ریڈیو لاہور وِچ شمولیت اختیار کِیتی۔

ذاتی حیاتی اَتے فوتڳی

شمیم آپا نے 1954ء وِچ شادی کِیتی اَتے موہنی داس کنوں موہنی حمید بݨ ڳئی۔ موہنی حمید دا 16 مئی 2009ء کوں سیٹل، واشنگٹن وِچ انتقال تِھیا۔

ایوارڈز اَتے پِچھاݨ

موہنی حمید کوں ڈھیر قومی ایوارڈزاں نال نوازیا ڳِیا ہَئی۔

• 1965ء وِچ، تمغا امتیاز ، پاکستان دا چوتھا ساریاں کنوں وݙّا شہری ایوارڈ ݙِتّا ڳِیا۔
• 1998ء وِچ، وَلاتمغائے امتیاز نال نوازیا ڳِیا۔
• 1999ء وِچ، پاکستان براڈ کاسٹنگ کارپوریشن دی طرفوں 'لائف ٹائم اچیومنٹ ایوارڈ' ݙِتّا ڳِیا۔