مونیشا

مونیشا
معلومات شخصیت
ڄم	24 جنوری 1971ء
وفات	5 دسمبر 1992ء (21 سال)  چیرتالا
وجہ وفات	ٹریفک حادثہ
شہریت	بھارت
عملی زندگی
مادر علمی	بنگلور یونیورسٹی
پیشہ	ادکارہ
پیشہ ورانہ زبان	ملیالم
اعزازات
قومی فلم اعزاز برائے بہترین اداکارہ
	IMDB پر صفحہ

مونیشا اونی (24 جنوری 1971 – 5 دسمبر 1992) ہک بھارتی اداکارہ ہن، جنہاں کوں بنیادی طور تے ملیالم فلماں تے کجھ تمل فلماں وچ اپݨے کم دے کیتے ڄاݨیا ویندے۔

مونیشا 16 سال دی ہن جݙاں اوہ نیشنل فلم ایوارڈ برائے بہترین اداکارہ جیتݨ آلی سب توں ڳھٹ عمر دی اداکارہ بݨ ڳئی۔ ایہ ایوارڈ انہاں نے اپݨی پہلی فلم "نکھکشٹھنگل" (1986) وچ اداکاری دے کیتے ڳھدا۔شاردہ، شوبھنا، میرا جیسمین تے سوربھی لکشمی دے نال، مونیشا اونی انہاں چھی ملیالم اداکاراؤں وچوں ہن جنہاں نے نیشنل فلم ایوارڈ برائے بہترین اداکارہ جتیا ہے۔

اپݨے مختصر کیریئر وچ، مونیشا نے ایم ٹی واسودیون نائر، ہریہرن، پریادرشن، اجین، کمال تے سیبی ملیئل جاہیں ڈائریکٹرز دے نال کم کیتا۔

ابتدائی زندگی

مونیشا اونی دا ڄم 1971 وچ پننیانکارا، کوزیکوڈ وچ نارائݨن اونی تے سری دیوی اونی دے گھر تھیا۔انہاں نے اپݨی سکول دی تعلیم سینٹ چارلس ہائی سکول، بنگلور تے بشپ کاٹن گرلز سکول، بنگلور توں مکمل کیتی۔ انھاں نے ماؤنٹ کارمل کالج، بنگلور توں نفسیات وچ گریجویشن مکمل کیتا۔انہاں دا ہک وݙا بھرا، سجیت اونی وی ہئی۔

وفات

مونیشا اونی ملیالم فلم "چیپاڈیویڈیا" تے کم کرݨ دے دوران ہک کار حادثے وچ فوت تھی ڳئی۔ 5 دسمبر 1992 کوں، مونیشا تے انہاں دی ماء سری دیوی اونی ویندیں ہوئیں ہک کار کیرلا دے الاپوژا ضلع دے چرتالا دے نیڑے ایکس رے بائی پاس جنکشن تے ہک KSRTC بس نال ونڄ لڳی ۔ اوہ 21 سال دی ہن۔ حادثے دے ویلے مونیشا پچھلی سیٹ تے ستی پئی ہائی۔ انہاں دی ماء ، سری دیوی کار توں باہرکݙھیا ڳیا ، اوہ معمولی زخمی تھی ڳئی۔ البتہ، مونیشا ریڑھ دی ہݙی دے فریکچر دی وجہ توں چند منٹیں وچ ہی فوت تھی ڳئی۔ رپورٹیں دے مطابق، مونیشا دے ناک تے کن توں خون وہندا پیا ہئی۔ انہاں کوں نیڑے KVM ہسپتال ڳھن ڳئے ، پر اوہ فوت تھی چکی ہن۔ انھاں دی ایمبیسیڈر کار دا ڈرائیور وی اینہہ حادثے وچ فوت تھی ڳیا۔

کیریئر

ملیالم ناول نگار ایم ٹی واسودیون نائر، جیہڑی ہک سکرین رائٹر تے فلم ڈائریکٹر وی ہن، مونیشا دے خاندانی ٻانہہ ٻیلی ہن۔ ایم ٹی مونیشا دے فلمی دنیا وچ داخلے دے ذمہ دار ہن۔ انہاں نے اپݨی پہلی فلم "نکھکشٹھنگل" (1986) وچ کم کیتا، جیہڑی ایم ٹی واسودیون نائر دے لکھیے ہوئے تے ہریہرن دے ڈائریکٹ کیتی ہوئی ہئی۔ ایہ فلم ٹین ایجرز دے درمیان ہک مثلث محبت دی کہاݨی بیان کریندی ہئی۔ مونیشا نے فلم دی مرکزی کردار گووری دا کردار نبھایا، جیندے کیتے انہاں نے 1987 وچ نیشنل فلم ایوارڈ برائے بہترین اداکارہ جتیا۔

فلموگرافی

سال	فلم	کردار	زبان	نوٹس
1984	پاوایا		تمل	16 ملی میٹر B/W تمل شارٹ فلم، یو ایس واسن دے ڈائریکشن وچ
1986	نکھکشٹھنگل	گووری	ملیالم	نیشنل فلم ایوارڈ برائے بہترین اداکارہ
1986	رتھوبھیدم	تھنکمݨی	ملیالم
1986	سایم سندھیا	وینومول	ملیالم
1987	پوکل ودوم تھودھو	گووری	تمل
1987	لائر بھارتی دیوی	لیلا	تیلگو
1988	آریان	سینابھا	ملیالم
1988	چرنجیوی سدھاکر	سندھیا/سرلا	کنڑ	ݙو کردار
1988	کناکمبرنگل	سری دیوی	ملیالم
1989	دراوڈن	سلمیٰ	تمل
1989	ادیپن	گیتا	ملیالم
1990	کروپینتے کناک پستکم	ستی	ملیالم
1990	وینا میٹیا ولنگوکل	سری دیوی	ملیالم
1990	پیرومتھچن	کنھیککو تھمبورٹی	ملیالم
1990	کاژچکپورم	امّو	ملیالم
1991	وینل کنوکل	نلینی	ملیالم
1991	کاداو	دیوی	ملیالم
1992	اُنّا نینچن پٹو پڈیچن	دھنم	تمل
1992	تھلاسٹانم	رادھا	ملیالم
1992	اوڑو کوچو بھومیکلکم	ویجی	ملیالم
1992	کُڈمب سمیتھم	تُلسی	ملیالم
1992	کمالادلم	مالویکا	ملیالم
1992	چمپاکلم تھچن	امّو	ملیالم
1992	چیپاڈیویڈیا	ایلسا	ملیالم
1993	موندراوادھو کَن	پریا	تمل